Publiká riba 03 Desèmber 2024
WILLEMSTAD – Promé Minister sr. Gilmar Pisas a risibí e embahador nobo di Reino Hulandes na Venezuela, sra. Carmen Gonsalves, dia 3 di desèmber 2024.
E bishita akí tabata unu di kortesia kaminda Promé Minister Pisas a sera konosí ku e embahador. Sra. Carmen Gonsalves tabata akompañá pa sra. Annemieke Verrijp (Speciaal vertegenwoordiger Benedenwindse Eilanden).
Durante di e bishita akí a hasi uso di e oportunidat pa elaborá ku Promé Minister riba diferente tema di importansia manera entre otro e lisensia di OFAC, hasimentu di negoshi ku Venezuela, e sanshonnan eksistente, i situashon aktual riba e partinan sosial, laboral i di gobernashon na Venezuela.
Tantu Promé Minister Pisas komo señora Gonsalves a enfatisá nan propósito di sigui fortifiká e bon relashon di trabou ku otro.
E kombersashon tabata unu hopi ameno i fruktífero.
