Promé Minister Pisas a risibí representantenan di Airtron Carib - Informashon tokante Gobièrnu di Kòrsou

Promé Minister Pisas a risibí representantenan di Airtron Carib

Asuntunan General i Promé Minister
 

Promé Minister Pisas a risibí representantenan di Airtron Carib

Publiká riba 07 Novèmber 2025

WILLEMSTAD, djaluna 3 di novèmber 2025, Promé Minister Gilmar Pisas a risibí representantenan di e kompania Airtron Carib. Sr. Engels di Aqualectra tambe tabata presente durante e reunion informativo akí. Airtron Carib a duna un presentashon riba un sistema inovativo ku ta hasi ku airco por traha di forma mas inteligente i ekonómiko. E teknologia lo por yuda edifisionan grandi manera hotel, supermerkado i restorant pa usa menos energia, sin pèrdè frialdat. Asina nan por spar gastu i yuda protehá nos medio ambiente. E enkuentro tabata masha agradabel i informativo. Na fin di e enkuentro a wòrdu akordá ku Aqualectra lo sigui tene kontakto ku e kompania Airtron Carib pa hasi pruebanan di e sistema na Kòrsou.