Promé Minister Pisas i IOM ta fortalesé relashon di koperashon - Informashon tokante Gobièrnu di Kòrsou

Promé Minister Pisas i IOM ta fortalesé relashon di koperashon

Asuntunan General i Promé Minister
 

Promé Minister Pisas i IOM ta fortalesé relashon di koperashon

Publiká riba 07 Novèmber 2025

WILLEMSTAD – Riba djaweps, 6 di novèmber 2025, Promé Minister sr. Gilmar Pisas, a risibí Kordinadó Regional pa Karibe di e Organisashon Internashonal di Migrashon (IOM), sr. Patrice Quesada.

Esaki tabata un bishita di kortesia kaminda Promé Minister i Kordinadó Regional a papia tokante e trabou di IOM i e estudio ku IOM ta hasiendo, ku ta evaluá e impakto ekonómiko i sosial di migrashon riba Kòrsou.

Pa esaki, IOM ta papiando ku sektor públiko i sektor privá pa haña e informashon nesesario. E Kordinadó Regional tambe a indiká ku IOM ta trahando ku CARICOM pa un strategia regional den Karibe pa migrashon. Promé Minister i Kordinadó Regional tambe a diskutí pa habri un kantor di IOM aki na Kòrsou pa asina por kopera mas ku otro.

Esaki tabata un bishita di kortesia kaminda Promé Minister i Kordinadó Regional a papia tokante e trabou di IOM i e estudio ku ta evaluá e impakto ekonómiko i sosial di migrashon riba Kòrsou.

E bishita a tuma lugá den un esfera ameno basá riba bon entendimentu i kolaborashon, pa sigui mantené un diálogo kontinuo na benefisio di Kòrsou.