Publiká riba 07 Yüli 2025
WILLEMSTAD – Promé Minister Gilmar Pisas a ofresé un regalo simbóliko na Promé Minister di Jamaica, sr. Andrew Holness, den kuadro di e responsabilidat ku e ta bai tin komo presidente di CARICOM pa e próksimo seis lunanan. E presidensia di CARICOM ta rotativo i ta dura mei aña.
Komo muestra di union, Promé Minister Holness a risibí e unifòrm ofisial di kas di selekshon nashonal di futbòl di Kòrsou. Ku e gesto akí, Promé Minister Pisas kier enfatisá kon deporte – i en partikular futbòl – ta uni pueblo i paisnan, sigur awor ku vários pais lo topa otro na kaminda pa e Kopa Mundial 2026.
