Promé Minister Pisas ta reuní ku Representante Permanente di Reino na Nashonnan Uni - Informashon tokante Gobièrnu di Kòrsou

Promé Minister Pisas ta reuní ku Representante Permanente di Reino na Nashonnan Uni

Asuntunan General i Promé Minister
 

Promé Minister Pisas ta reuní ku Representante Permanente di Reino na Nashonnan Uni

Publiká riba 04 Mart 2026

WILLEMSTAD – Riba djamars, 3 di mart 2026 Promé Minister, sr. Gilmar Pisas a reuní ku Embahador Lise Gregoire-van Haaren ku ta Representante Permanente di Reino pa Nashonnan Uni na New York. Embahador Gregoire-van Haaren ta na Kòrsou pa un bishita pa sera  konosí ku nos isla. 

Durante e enkuentro aki, Embahador Gregoire-van Haaren a duna Promé Minister Pisas un delaster aktualisashon di su trabounan na Nashonnan Uni. Promé Minister Pisas i Embahador Gregoire-van Haaren tambe a papia tokante e reformanan di Nashonnan Uni i e posibilidat pa Kòrsou risibí mas sosten di organisashonnan internashonal manera Nashonnan Uni pa e desaroyo sostenibel di Kòrsou. 

E enkuentro a tuma lugá den un ambiente habrí i ameno, kaminda a resaltá e importansha di kolaborashon i komprenshon mutuo den Reino.