Publiká riba 11 Novèmber 2022
Willemstad – Riba djabièrnè 11 di novèmber Minister Charles Cooper huntu ku Minister Sithree van Heydoorn a firma un asina yama ‘Letter of Intent’ ku Didi’s Foundation di e gran pelotero Sr. Didi Gregorius, pa bin ku un kompleho deportivo na Tera Kòrá.
E kompleho deportivo aki lo konsistí di estadio ku un vèlt basta grandi pa por train beisbol, un vèlt mas chiki di futbòl, i parti paden lo tin oportunidat pa hasi diferente aktividat deportivo mas, manera entre otro tenis di mesa, biljart, i/òf rekreo pa muchanan. Tambe lo tin espasionan pa hasi ‘naschoolse opvang’ i duna ‘huiswerkbegeleiding’ na muchanan.
Ambos partidonan lo hasi nan máksimo esfuerso pa por kumpli ku lokual e ‘Letter of Intent’ ta stipulá pa Gobièrnu por otorgá e tereno definitivamente den forma di èrfpagt.
Minister Cooper i Minister Sithree ta spera di pronto por pone e promé piedra.
