RENOBASHON FASILIDATNAN DEPORTIVO

Desaroyo positivo den e ramo di Deporte

WILLEMSTAD – Ministerio di Enseñansa, Siensia, Kultura i Deporte (ESKD) huntu ku Fundashon Desaroyo Deportivo Kòrsou (FDDK) ta traha pa desaroyo optimal di deporte konforme e maneho di Gobièrnu. Durante di un konferensia di prensa na e Sentro Multi-Funshonal Deportivo: ‘Shon Pe Hooi’, na Barber a informá ku trayekto pa renobá i drecha fasilidatnan deportivo ta bai kuminsá.

Minister di ESKD sr. Sithree van Heydoorn a anunsiá ku trabounan pa renobá e fasilidat MultiFfunkshonal Deportivo: ‘Shon Pe Hooi’ na Barber tambe ta kuminsá komo parti di e trayekto aki pa e ramo di deporte. Esaki ta un trayekto bou di guia di Sektor di Kultura i Deporte i ta kana den estrecho koperashon ku FDDK. Tur e trabounan na Sentro Deportivo Multi Funkshonal: ‘Shon Pe Hooi’ tin un balor di 295 mil. Ta bai renobá vários lokalidat i e trabounan ta entre otro: drecha muraya, traha lugá di stashoná outo, pone yerba artifishal, drecha vèlt, kambia lusnan i hopi mas. Tuma nota di tur e fasilidatnan ku ta keda renobá den e aneksonan. Gobièrnu huntu ku Refineria di Kòrsou ta traha riba e fondonan pa finansiamentu di e trayekto aki.

Gobièrnu di Kòrsou ta sigui traha riba e desaroyo deportivo di nos nashon ku ta stimulá i uni nos Pueblo.

—

Sr. Sithree van Heydoorn

Minister di Enseñansa, Siensia, Kultura i Deporte

** Aneksonan ku informashon di e renobashonnan na e vários lokalidatnan deportivo:

MAS NOTISIA

Ministerio konserní: Enseñansa, Siensia, Kultura & Deporte