Reunionnan ministerial relashoná ku e temanan Enseñansa i Kultura

WILLEMSTAD – Ministerio di Enseñansa, Siensia, Kultura i Deporte ta organisá e reunionnan ministerial relashoná ku Enseñansa i Kultura riba dianan 16 i 17 yanüari 2023. E reunionnan ta konta ku partisipashon di e 4 paisnan Reino.

E reunionnan ta keda presidí pa Minister di Enseñansa sr. Sithree van Heydoorn i ta konta ku presensia di Minister di Enseñansa di Hulanda sr. Robbert Dijkgraaf, Minister di Enseñansa di Sint Maarten sr. Rodolphe Samuel, Minister di Enseñansa di Aruba sr. Endy Croes, Minister di Kultura di Aruba sra. Xiomara Maduro i Sekretario di Estado di Kultura di Hulanda sra. Gunay Uslu. Minister Sithree van Heydoorn a inaugurá e dianan di trabou ku un sena di bonbini huntu ku e ministernan i nan delegashon.

Durante di e dos dianan ta tene reunion intensivo i na final di kada dia ta tene un konferensia di prensa kaminda ta firma i elaborá riba e konklushonnan final.
—
KOMUNIKASHON

** riba e potrèt athunto por tuma nota di e inougurashon di e Reunion Ministerial i pa mas potrèt por bishitá e link aki: http://bit.ly/3w8b2c2