Publiká riba 06 Mart 2023
Willemstad – Promé Minister sr. Gilmar Pisas a keda invitá na e aktividat relashoná ku Dia Internashonal di Lenga Materno dia 2 mart 2023. E aktividat aki tabata un antologia presentá pa dr. Rene Rosalia na honor di e obranan na Papiamentu di Sr. Rignald Sylvestre Recordino.UNESCO CURACAO, Fundashon STRIPAN i Ministerio di Enseñansa, Kultura, Siensia i Deporte ta enfoká e ilustre outor i kompositor di Kòrsou señor Rignald Sylvestre Recordino. Señor R. Recordino ta outor di mas ku 500 komposishon dediká na Kòrsou i e suidadano di Kòrsou. Sr. R.S. Recordino fuera di a salbaguardiá nos ritmonan krioyo a sa di mantené i promové bon uzo di nos lenga materno den su komposishonnan. Loke sr. Rignald Sylvestre Recordino a regalá Kòrsou ta un presioso bukèt di flor dòrná ku obra na Papiamentu.
Na final di e aktividat a hasi entrega di un rekonosementu spesial na sr. Rignald Sylvestre Recordino: Kompositor di Siglo 20.
