Selebrashon di Pasku huntu ku alumnonan di Skol Sùr Herman Joseph - Informashon tokante Gobièrnu di Kòrsou

Selebrashon di Pasku huntu ku alumnonan di Skol Sùr Herman Joseph

Enseñansa, Siensia, Kultura & Deporte
 

Selebrashon di Pasku huntu ku alumnonan di Skol Sùr Herman Joseph

Publiká riba 29 Desèmber 2023

Willemstad – Minister di Enseñansa, Siensia, Kultura i Deporte (ESKD) sr. Sithree van Heydoorn a tene un dushi selebrashon di Pasku ku maestro- i alumnonan di skol speshal di fundeshi Sùr Herman Joseph.

Durante di e selebashon Minister S. van Heydoorn a para ketu den su diskurso na e dushi temporada di fiesta pero ku e kos mas importante ta e nasementu di Hesus den nos kurason. Tambe e alumnonan a gosa di un dushi almuerso, presentashon di brasbènt i ambiente di Papa Pasku. A la bes Minister a hasi entrega di un bunita regalo na tur alumno i maestro di e skol.

Minister di ESKD sr. S. van Heydoorn por mira bèk riba un bunita selebrashon den ambiente eskolar di Pasku ku e dushi alumnonan di e skol speshal. Tambe Minister a gradisí e maestronan i yama nan danki pa nan tremendo trabou ku nan ta ehersé dor di eduká i duna enseñansa na nos alumnonan.

—
KOMUNIKASHON

**riba e portrètnan athunto por tuma nota di Minister i e alumnonan durante di e selebrashon di Pasku. Pa mas potrèt por bishitá e página sosial di facebook di Ministerio di ESKD.