Selebrashon ku nos Kampeonnan ta keda posponé

WILLEMSTAD – Gobiernu di Kòrsou ta sumamente orguyoso di tur nos atletanan, ku a pone nòmber di Kòrsou riba un pedestal internashonal, un propaganda impagabel pa nos dushi Kòrsou. Deporte di Kòrsou den e ùltimo lunanan a kosechá hopi éksito. Nos atletanan a regresá kas ku hopi título den diferente disiplina di deporte ku nan a partisipá na dje.

Komo muestra di gratitut gobièrnu di Kòrsou a plania un aktividat pa duna rekonosementu na tur e atletanan aki, e aktividat aki ta plania pa tuma lugá dia 29 yüli 2022. Pero Minister di Enseñansa, Siensia, Kultura & Deporte (ESKD) sr. Sithree van Heydoorn ta haña su mes obligá di kanselá e aktividat di dia 29 próksimo. Pa motibu ku  tin 3 selekshon ku ta bai kompetí den eksterior, pa e premio máksimo di nan ramo di deporte representando hinter e region di Karibe i nan no por ta presente na e selebrashon.

P’esei Minister di ESKD, ta posponé e aktividat di dia 29 próksimo i na momentu ku e 3 ekiponan aki regresá Kòrsou bèk, ta organisá un aktividat kaminda henter pueblo di Kòrsou ta haña oportunidat pa selebrá ku nos héroenan.

—

Sithree van Heydoorn

Minister di Enseñansa, Siensia, Kultura i Deporte

MAS NOTISIA

Ministerio konserní: Enseñansa, Siensia, Kultura & Deporte