Siman di Ban Lesa 2023 (SBL 2023)

Willemstad – Minister di Enseñansa, Siensia, Kultura i Deporte, sr. Sithree van Heydoorn, tabata presente na presentashon di e di 5 buki (Geschenkboek) spesialmente kreá pa e Siman di Ban Lesa di e aña akí. A produsí e buki akí spesialmente pa usa durante SBL 2023 ku ta tuma lugá di 30 di òktober pa 3 di novèmber 2023. E buki titulá ‘Na mi Kas’ ta konsistí di artíkulo na tantu papiamentu komo hulandes, i ta finansiá pa vários organisashon ku ta kere den biblioteka.

E trayekto pa produsí e buki akí tabata guiá pa sr. Tito Ansano huntu ku su tim dinámiko den kolaborashon ku diferente outor ku a partisipá ku nan kreatividat kreando kuenta, poema i otro obra na dos idioma. Direktor di Biblioteka Nashonal Kòrsou dr. Frank Martinus Arion, sr. Lysandro Ignacio, a hasi entrega di un ehemplar di e buki na tur outor i ilustradó ku a traha riba e diferente ilustrashonnan. Tambe a hasi entrega di un ehemplar na minister di Enseñansa, Siensia, Kultura i Deporte.

E buki ta titulá ‘Na mi kas’. Tur artíkulo ta konta un aspekto relashoná ku aktividat ku ta tuma lugá den òf rònt di kas. E buki ta un forma pa motivá un i tur pa ban pone mas atenshon na nos kas i biba den harmonia den nos ambiente familiar.

Minister di Enseñansa, Siensia, Kultura i Deporte sr. Sithree van Heydoorn ta sumamente kontentu ku e buki akí i ta agradesido na biblioteka i tur e outornan ku a partisipá na e trayekto akí. Na mes momento minister ta yama biblioteka i tur e outornan danki pa nan aporte ku ta kontribuí na desaroyo di nos muchanan.

—

KOMUNIKASHON

**Riba potrètnan athunto por tuma nota di e presentashon di e buki di SBL 2023. Pa mas potrèt por bishitá: Presentashon buki pa SBL 2023