Publiká riba 11 Aprel 2022
Fundashon Bèti Doran ta un fundashon ku a bini ku inisiativa pa organisá Siman di müzik pa mucha. Fundashon Bèti Doran den pasado Fundashon Pumpulunchi a lanta dia Mercée Doran I Gilbert “Gibi” Doran a kuminsá ku un grupo di kanto. Meta di e fundashon ta pa muchanan por sera konosí ku müzik i kanto pa mucha. Fundashon Bèti Doran ta traha di un forma boluntario i ta krea kontenido edukativo i rekreativo pa medio di literatura i músika.
Apertura Siman di müzik pa mucha a tuma lugá na skol di fundeshi Marnix college ku diferente presentashon bou di alumno nan kompania ku dosente nan. Durante e mainta aki komo invitado spesial tabata tei presente Minister di hustia Sr. Shalton Hato, Minister di Enseñansa, Siensia, Kultura i Deporte Sr. Sithree van Heydoorn, Vise-presidente di Parlamento Sra. Corin Djaoen-Genaro tambe baluarte nan ku a wòrdu rekonosé pa e siman di müzik i presanan.
Nan a sigui ku un bishita na St. Margaretha College kaminda minister a interkambiá algun palabra ku direktor di skol, direktor athunto i funshonario di direktiva di skolnan katóliko. E mainta aki a sigui kaminda kada alumno kompaña ku maestronan a hasi un aktividat. Na final di e bishita aki minister a dirigí su mas na e alumno nan.
Den kuadro di minister su bishitanan na skol i tambe siman di müzik pa mucha a sera e siman eskolar na skol di fundeshi St. Antonius College. Durante e bishita aki minister a keda risibí dor di e alumno J.Sophia Jacobus, tambe a hiba un kombersashon ku minister i final a dirigí minister na kada aktividat ku a keda hasi den e gruponan.
E siman aki a keda klousura riba Brionplein ku diferente aktividat.
Bishitá e página di Facebook di Ministerio pa tur e potrètnan di e bishitanan: Facebook Ministerio di ESKD