Publiká riba 18 Sèptèmber 2022
Willemstad – Minister Charles Cooper huntu ku Servisio pa Obra Públiko (OW) ta informá ku trabounan di mantenshon ta bai kuminsa riba Don Martina Boulevard (Nieuwe Haven). Trabounan ta tuma lugá den diferente fase i e promé fase ta kuminsa djaluna 19 di sèptèmber.
Durante e promé fase aki lo traha riba Don Martina Boulevard for di Bieshuevel te ku Schottegatweg Zuid. E fase aki lo tin un durashon di mas o menos 3 siman. Lo traha den oranan di anochi, esta di 7or di anochi pa 5or di marduga, pa minimalisá e molèster pa tráfiko.
E trabounan ta konsistí di asfaltamentu di e kaya, mirando ku esaki ta den un mal estado. Kontratista CWM ta enkargá ku e ehekushon.
Lo tin rutanan alternativo ku indikashon di barinan oraño. Ta hasi un apelashon na tu outomobilista pa kore ku koutela.
