Publiká riba 11 Òktober 2022
Willemstad – Minister Charles Cooper huntu ku Servisio pa Obra Públiko (OW) ta informá ku trabounan di mantenshon ta kuminsá riba Kaminda Statius van Eps na Soto te na ròtònde Wiri.
Trabounan ta inisiá awe 11 di òktober 2022 i lo tin un durashon di mas o menos 2 siman i mei. E kontratista MNO Vervat lo drecha e kaminda mirando ku esaki ta den un mal estado.
Durante ehekushon di e trabounan, lo sera e Kaminda Statius van Eps na Soto te ku Rotonde Wiri kompletamente. Habitantenan i komersiantenan si ta keda ku akseso na nan kas òf negoshi. Lo desviá tráfiko atraves di rutanan alternativo i tin indikashon kon pa kore.
OW ta pidi pa tur outomobilista kore ku koutela i ta gradisí adelantá pa e komprenshon.
