Trabounan di mantenshon riba Koningin Juliana brùg

Willemstad – Servisio pa Obra Públiko ta partisipá ku for di djaluna 12 sèptèmber te ku djarason 12 di òktober lo tin trabounan di mantenshon tumando lugá riba Koningin Juliana Brùg. 

E trabounan ta enserá: 

1. ‘Waterstralen’ di e alsera i railing, 
2. Atendé partinan ku ta frusá, 
3. Konservashon di e alsera i railing (fèrf). 

E contratista MNO Vervat lo sera un via den direkshon di Dòmi pa subi brùg bayendo direkshon Punda. 

Trabounan ta tuma lugá entre 9or di mainta pa 4or di atardi. Promé i despues di e orario menshoná e via ta habri normal pa tráfiko. Lo sera e via tur dia for di djaluna pa djasabra.

Ta pidi automobilistanan pa sigui e indikashon di bòrchi i pa kore ku koutela.

MAS NOTISIA

Ministerio konserní: Tráfiko, Transporte i Planifikashon Urbano