Un via di Kaya Romulo Bethancourt Boulevard ta será

Willemstad – Servisio pa Obra Públiko (OW) ta anunsiá ku un via di Kaya Romulo Bethancourt Boulevard direkshon Otrobanda lo ta será relashoná ku trabounan di mantenshon di Koningin Julianabrug. Esaki lo ta for di awe djamars 11 òktober te ku djabièrnè 11 di novèmber.

E kontratista MNO Vervat lo ehekutá trabounan ku ta tuma lugá entre 9or di mainta pa 4or di atardi. Promé i despues di e orario aki, e via lo ta habri normal pa tráfiko. Ta sera e via di djaluna pa djasabra.

Durante di e trabounan lo atendé e siguiente aspektonan: 

1. Usa stralnan di awa na e alsera i ‘railing’,
2. Kòrta i las parti di e brùg ku a frus,
3. Hasi trabounan di konservashon (fèrfmentu) di e alsera i ‘railing’. 

Ta desviá tráfiko ku ta bini for di Saliña, Parera, i Punda pa subi brùg usando un via so.

OW i MNO ta pidi tur outomobilista pa sigui e indikashonnan di bòrchi i pa kore ku koutela! 

MAS NOTISIA

Ministerio konserní: Tráfiko, Transporte i Planifikashon Urbano