Publiká riba 20 Yüli 2022
Willemstad – Ministerio di Tráfiko, Transporte i Planifikashon Urbano (VVRP) huntu Ofisina di Turismo (CTB) i Inter Continental University of the Caribbean (ICUC) ta inisiá kursonan pa personanan ku ta traha den transporte públiko. Kursistanan ku partisipá na e kurso aki ta risibí sea un sertifikado. Meta di e kursonan aki ta pa alsa e servisio na komunidat i turista, i ampliá konosementu di tur kursista.
Sertifikado A:
E kurso aki ta pa personanan:
– entre 25 i 62 aña,
– ku pa promé biaha ta bai apliká pa transportá persona kontra pago,
E kurso lo kuminsa 5 di sèptèmber 2022 i lo tin un durashon di 12 siman. E gastunan di e kurso ta enserá di naf 650,=.
Link pa inskripshon:
https://my.forms.app/form/62cd9533971e3e097d394e1c
Sertifikado B:
E kurso pa sertifikado B ta pa personanan:
– entre 25 i 62 aña,
– ku tin un hulpbestuurderskaart balido,
E kurso lo kuminsa 5 di sèptèmber 2022 i lo tin un durashon di 12 siman. E gastunan di e kurso ta naf 575,=.
Link pa inskripshon:
https://my.forms.app/form/62cd7759971e3e097d38ce3f
Kurso di rekapasitashon pa taksista:
E kurso aki ta pa tur persona ku:
– ta un ‘vergunninghouders’ di Taksi,
E kurso aki lo kuminsá dia 15 ougùstùs 2022 i lo tin un durashon di 8 siman. E gastunan di e kurso ta na balor di naf 250,=.
Link pa inskripshon:
https://my.forms.app/form/62cd9b93971e3e097d39593f
Inskripshon:
Inskriphon lo ta digital via kada link ku lo habri dia 22 di yüli 2022 pa 12:00pm i lo sera 5 di ougùstùs 2022 pa 12:00pm.
Mas informashon:
Pa mas informashon por tuma kontakto ku Sekshon di Transporte Públiko na e number 839-2149/ 839-2143 òf via e-mail tp.uovv@gobiernu.cw.
