SSO Kalkuladó

Bonbiní na Kalkuladó salarial di SSO

E kalkulashonnan ta basá riba e reglanan vigente i e dekretonan ku ta referí na oumento salarial.

E kalkulashon ta hasi posibel pa tur ámtenar por kalkulá su salario nobo independientemente, teniendo kuenta ku e korekshon kalkulá pa e trapi salarial for di 2020 te ku 2024. Dependiendo di bo situashon, diferente kalkulashon ta keda hasí, basá riba informashon ku e kolaboradó ámtenar yena. Bo ta risibí un salario nobo i e total montante bruto ku lo bo tin ku risibí di e trapi salarial ku forsa retro-aktivo.

SSO riba su mes ta kompletamente aktivo pa desaroyá i ta brinda tur ámtenar e informashon i sosten mas amplio posibel. Ku e hèrmènt manera un kalkuladó i trapi salarial, SSO ta tuma boso paso pa paso den e trayekto inovativo aki.

Kiko bo ke Kalkulá?

Kalkulá bo próksimo montante bruto di bo trapi salarial

Ku e kalkuladó bo por kalkulá e total di bo bruto ku lo bo risibí pa e trapi salarial di 2020 pa 2024.

kalkulá bo trapi

Kalkulá bo salario nèto indeksá di 2025

E hèrmènt aki ta yudá bo kalkulá bo salario nobo pa 2025.

kalkulá bo nèto

Kalkuladó salarial di SSO

"*" indicates required fields

Empleado aktivo?*

Promé dia di trabou*

Último dia di trabou*

Kategoria aktual di salario*

Skal salarial aktual*

Trapi salarial aktual*

Bo a kambia di funshon, skal òf trapi salarial entre 2020 i 2024?*

Fecha di inisio di promoshon*

Kategoria salarial anterior*

Skal salarial anterior*

Trapi salarial anterior*

Eksonerashon: No por eksigí ningun derechi ku e kalkulashonnan mará na e kalkuladó salarial aki. Apesar ku SSO ta hasi su esfuerso pa presentá e informashon mas korekto ku ta posibel, por sosodé ku e resultado no ta kuadra kompletamente ku e sifranan/montantenan real ku bo ta risibí.

Eksonerashon: E kalkulashon ta saka e montante bruto i no ta tene kuenta ku e tarifa eksepshonal pa impuesto. E tarifa aki ta personal i bo por mir'é riba bo slep di salario. Tene na kuenta ku na final e montante nèto por ta bai ta diferente di loke bo ta risibí.

PREGUNTANAN MAS FREKUENTE

Na ki momentu mi ta bini na remarke pa trapi salarial?

Bo ta bin na remarke pa un trapi salarial si bo a laborá mínimo 6 luna promé ku e fecha inisial di e trapi salarial (1 di yanüari 2020). Esaki ta nifiká ku bo mester tabata den servisio di gobièrnu promé ku 1 di yüli 2019 pa bo bin na remarke. Pa e personal di DOS e término ta diferente: bo mester tabata den servisio laboral promé ku 1 di febrüari 2020. Si den e término aki bo a yega bo trapi salarial máksimo di bo skal salarial bo ta risibí 3% di bo salario total di e aña.

Kon konfiabel e kalkuladó ta?

E kalkuladó salarial ta un hèrmènt i ta duna bo un indikashon di bo salario bruto ku bo tin ku risibí. Maske ku nos ta boga pa presishon, e resultado por desviá dor di sirkumstanshanan personal i faktornan imprevisto.

Mi trapi salarial no ta kuadra, kiko mi tinku hasi?

Bo por tuma kontakto ku SSO na su koreo elektróniko (email) sso@gobiernu.cw. Paga tinu: SSO no ta kontestá ningun pregunta ku ta dirigí na su personal. Solamente na e koreo elektróniko aki tin e posibilidat di risibí kontesta di SSO riba bo pregunta(nan).

Unda mi skal salarial ta keda menshoná?

Bo skal salarial ta keda menshoná riba bo slep salarial.

A tene kuenta ku tur kasonan personal?

No, e kalkulashon no ta tene kuenta ku retenshon personal, gastunan figo òf otro situashon personal òf partikular. Ta trata solamente di e montante di e pago retro-aktivo pa e trapi salarial i e salario a base di skal di salario nobo ku a keda stipulá pa lei.

E kalkuladó ta duna komo resultado ku mi no ta bini na remarke pa un trapi salarial, kon bin?

Bo por kontrolá si bo a yena tur informashon korekto òf bo por chèk si bo ta bin na remarke pa un trapi salarial. Pa bin na remarke pa un trapi salarial bo mester a laborá mínimo 6 luna promé ku e fecha inisial di e trapi salarial (1 di yanüari 2020). Esaki ta nifiká ku bo mester tabata den servisio di gobièrnu promé ku 1 di yüli 2019.

Mi a kambia mas ku un biaha di funshon, mi por kalkulá esaki tambe?

E kalkuladó salarial aki ta tene kuenta solamente ku un (1) kambio di funshon. Na momento ku surgi muchu kambio, esei lo guia na muchu variashon ku por tin impakto riba e presishon di e kalkulashon.

Dikon mi no ta hana e trapi salarial pagá pa e periodó despues di mi promoshon?

Si bo a keda promové den e periodo konserní pa un òf mas skal salarial, bo no ta bin na remarke pa un trapi salarial. Pa e instansha(nan) di enseñansa esaki ta konta ora bo tin promoshon di tres of mas trapi salarial.

Dikon mi no por kalkulá mi nèto di mi trapi salarial?

E kalkuladó ta duna solamente e montante bruto. Montantenan nèto ta varia dependé di e tarifanan di impuesto personal, retenshon i gastunan figo ku no ta keda agregá den kalkulashon.

Kiko ta un trapi salarial, i kon esaki ta funshoná?

Trapi salarial ta un subida di salario den bo skal salarial konforme añanan di servisio i prestashon.

Kiko mi tinku hasi si e kalkuladó ta duna un error?

Kontrolá si tur informashon ta korekto i kompleto yená. Si e fayo keda pèrsistí, por fabor tuma kontakto ku SSO via su koreo elektróniko (email) sso@gobiernu.cw huntu ku e deskripshon di e problema.

buska un dokumento