Dispensashon pa Mantelzorg - Informashon tokante Gobièrnu di Kòrsou Bo opinion

Dispensashon pa Mantelzorg

Dispensashon pa Mantelzorg

Pa e lockdown benidero eksonerashon pa personanan ku a risibí eksonerashon aña pasá ta keda bálido, basta no a bin kambio den nan situashon. Por ehèmpel den adrès di e persona ku a risibí e eksonerashon o e adrès di e persona ku mester risibí e kuido. Nan lo risibí un mail di Ministerio di SOAW ku instrukshonnan mas aleu.

Personanan ku ta pidi eksonerashon pa promé biaha mester hasi esaki via e wèpsait di gobièrnu, www.gobiernu.cw. Por apliká entrante djamars 23 di mart 2021 for di 9 or di mainta. Pa pregunta tokante dunamentu di kuido por manda un mail na mantelzorg.SOAW@gobiernu.cw. Ta otorgá eksonerashon na personanan individual i no na kompania. Tene kuenta ku evaluashon di e petishonnan por dura un máksimo di 3 dia. No ta trata aplikashonnan inkompleto. Pues aplikashonnan kaminda ID no ta korekto o kompleto yená, adrès di kas ku no ta korekto indiká, e deskripshon di ruta kon ta bai kore (pues e ruta di mas kòrtiku) no ta bon indiká etsetera, no lo keda tratá. E personanan aki lo risibí un notifikashon ku nan lo mester bai yena e aplikashon di nobo. Por fabor tene na kuenta ku esaki lo por bai tarda e aprobashon di e aplikashon.

Primi riba e lenk aki pa bo yena e formulario.

Último notisia

Mas notisia

Preguntanan hasí frekuentemente

Wak tur e preguntanan