WHO ta deklará situashon di emergensia pa salú públiko di importansia internashonal - Informashon tokante Gobièrnu di Kòrsou Bo opinion

WHO ta deklará situashon di emergensia pa salú públiko di importansia internashonal

WILLEMSTAD – Ministerio di Salú, Medio Ambiente i Naturalesa a tuma nota di e deklarashon di WHO riba 30 di yanüari 2020, kaminda a deklará e “outbreak” di e vírùs 2019-n Coronavirus, un “Public Health Emergency of International Concern (PHEIC)”.

Esaki ke men ku e vírùs tin e potensial di (sigui) plama pa mas pais i ku mester di esfuersonan kordiná for di diferente pais pa evitá ku e vírùs ta sigui plama. Esaki ta nifiká pa Kòrsou, ku nos ta sigui ku mesun alerta i preparashonnan pa un eventual kaso di importashon di e 2019-novel Coronavirus na nos isla.

Un apelashon ta bai na komunidat pa keda tuma e medidanan nesesario pa evitá ku e vírus ta plama manera: laba man regularmente, tapa boka i nanishi ora tosa òf nister, usa tissue ora ta tosa i despues benta esaki afó. Ku no tin tissue, tosa òf nister den bo èlebog òf parti ariba di brasa. Ku bo ta sinti bo kurpa malu, keda kas i si mester tuma kontakto ku bo dòkter di kas.