Mishon

Nos impulso komo gobièrnu ta pa nos ta:  

• aksesibel, servisial i konfiabel pa komunidat i e futuro generashon;  
• brindá servisio adekuá i profeshonal na nos siudadanonan, kompanianan i instansianan 
• manehá fondonan públiko di un forma responsabel. 

Strategia

KIKO:

• E struktura di maneho i guia di e ministerionan ta kambia; 
• E stafnan ministerial ta transformá den timnan di konseho di kalidat haltu; 
• Ta bin distinshon kla den e funshonnan klave (minister, (adjunct)direktor general, direktor i hefe di gabinete)  
• E servisio eksterno na komunidat lo tuma lugá via dos lokèt di gobièrnu:  
  • Lokèt pa Komunidat (Loket Samenleving); 
  • Lokèt di Impuesto (Belastingloket).
• Servisio den gobièrnu i e maneho operashonal interno ta bai funshoná pa medio di un konsepto di servisio den kadena; 
• Ta invertí na diferente manera den -desaroyo di- hende;
• Ta bin un Direktorado di Tòpkader di Gobièrnu (DTO) ku lo asumí e ròl di dunadó di trabou pa e promé i di dos nivel di maneho. 

KEN:

• Kambio di struktura di e organisashon i e struktura di maneho, e forma di funshoná, ta brinda mas tempu pa atendé ku problematikanan gubernamental i sosial.
• Esaki ta sòru pa e ministernan por kumpli ku nan ròl di otro forma, manteniendo nan responsabilidat ministerial i ponieddo mas énfasís riba gobernashon di pais.
• Kambio di struktura di e organisashon i e struktura di maneho, e forma di funshoná, tin konsekuensia pa esnan ku ta den funshon komo sekretario-general, direktor  di maneho òf direktor di sektor. E tres funshon aki ta kaduká;
• Eliminashon di organisashonnan di maneho i lansamentu di e direktorado Maneho di pais, tin konsekuensha pa kolaboradónan di maneho i direktornan di maneho pa motibu ku e trabou di maneho ta trasladá pa un direktorado den e ministerio òf e direktorado Maneho di pais;
• Introdukshon di e konsepto di servisio di kadena tin konsekuensia pa empleadonan di e stafnan ministerial i di Ministerionan di Asuntunan General, di Maneho, Planifikashon i Servisio i di Finansa;
• Formashon di e dèsknan gubernamental tin konsekuensia pa empleadonan di Ministerionan di Gobernashon, Planifikashon i Servisio Públiko i di Finansa i otro ministerionan di kua ta pone tareanan huntu, inkluso esnan ku ta pone empleadonan disponibel pa e bentana gubernamental Komunidat (Samenleving);
• Pa manehá e konsekuensianan pa personal kuidadosamente, ta hasí un akuerdo ku sindikatonan pa un ‘kuadro di maneho sosial pa kambio di organisashon’ ku mester salbaguardiá posishonnan laboral segun lei, proseduranan pa tuma hende den servisio i kon pa implementá mobilidat;
• E personanan ku ta traha na un ministerio ta eksperensiá indirektamente e konsekuensianan di e kambionan na e nivelnan haltu, den e struktura i den e otro forma di alkanse na servisio interno/ maneho di operashon.
  

KI DIA:
E proseso di kambio ta dura (por lo pronto) di 1 di òktober 2022 te ku 31 di desèmber 2025 . 

NA UNDA:
Kambio ta tuma lugá den tur nuebe ministerio; e impakto ta varia na kada ministerio. Ta kuminsá ku un ‘quick scan‘ den tur ministerio. Esaki pa haña un bista di e situashon aktual i kiko e impakto ta di e proposishonan pa mehorashon, riba sobrá di e ministerio. E ‘quick scan’ den e promé fase ta trata tareanan i repartisashon organisatorio di e ministerio (kuantu i kua tarea).  

KON:
Ta hasi e proseso di kambio di akuerdo, bou di e programa VFO. VFO ta kai bou di reponsabilidat di e Minister di Maneho di Gobernashon, Planifikashon i Servisio Públiko (BPD). E organisashon ta haña sosten i guia di tres otro minister den un Grupo di Guía Ministerial (Ministeriële Stuurgroep). Tin un tim di programa (koordinashon i guía), un tim di desaroyo (pa traha proseso 1 biaha i despues laga usa 9 biaha) i tres tim di implementashon ku ta yuda ministerionan ‘man na obra’ pa pone e medidanan den práktika. Tambe ta bini kuater persona (kwartiermaker) enkargá pa prepará formashon di e Direktorado pa Maneho di Pais (Directie Landsbeleid), e Direktorado pa e ‘Topkader’ di Gobièrnu i e lokèt pa duna servisio eksterno, servisio interno i servisio operashonal. 

E rapòrt  ‘Niets doen is geen optie meer!’

Riba 22 di novèmber 2023, Konseho di Minister a aprobá di forma definitivo e vershon integral di e rapòrt ‘Niets doen is geen optie meer!’ ku fecha 31 di òktober 2023.

Ku esaki tin un akuerdo riba tur e proposishonnan ku tin komo meta, mehorá servisio i funshonamentu di gobièrnu. Komo e último stap promé ku kuminsá ku implementashon di e proposishonnan akí, mester yega na un akuerado ku sindikatonan riba e ‘Sociaal Beleidskader Organisatieverandering’. Den e kuadro di maneho sosial akí lo registrá e garantianan hurídiko (rechtspositionele waarborgen) relashoná ku derechonan laboral, entre nan e prosedimentunan di staf pa futuro organisashonnan. Entretantu tin negosashonnan andando tokante di e punto akí den CGOA; meta ta pa yega na un akuerdo pa fin di yanüari 2024.

Mas aleu, Konseho di Minister a firma e rapòrt di e ‘quick scans’ fase I pa e nuebe ministerionan, tokante e trabounan (prinsipal) i e kantidat di direktoradonan pa kada ministerio (kapítulo 3), ku e nota adishonal ku ainda por adaptá e trabounan prinsipal manera deskribí den kapítulo 3 den fase II si esaki ta nesesario. Ta hiba kontenido di kapítulo 4 di e rapòrt, puntonan di investigashon relashoná ku ordenashon i eventual rekalkulashon di trabou den i entre ministerionan pa fase II di e “quick scan’ nan, ku ta kuminsá pronto. Lo registrá e resultadonan di e dos fasenan den rapòrtnan nobo di organisashon i formashon pa kada ministerio ku lo remplasá e plannan di negoshi di 2012.

Por último, Konseho di Minister a aprobá e proposishon pa kubrimentu di gastunan di programa VFO 2023 – 2025. Pues fondonan a keda asigná tambe pa sigui traha den e programa VFO.