Programa VFO (Verbeteren Functioneren Overheid)
Riba e página aki tin informashon i aktualidat tokante e programa ‘Verbeteren functioneren overheid’ (VFO). Esaki ta un programa ku tin komo meta pa mehorá funshonamentu di nos aparato públiko. Entre otro dor di reformá funshonamentu di e tòp atministrativo di nos ministerionan. Atenshon spesial ta bai tambe na mehorashon di nos servisio na públiko i mehorashon di nos atministrashon interno. E diferente proposishonnan kon pa logra e meta akí ta a base di investigashonnan hasí i dokumentá den un rapòrt yamá “Niets doen is geen optie meer!”.
Un kòmbersashon ku Minister Martina | Novèmber 2023
Video
F.A.Q. | PREGUNTANAN MAS HASÍ
E proseso di kambio ta dura di 1 di òktober 2022 te ku (por lo pronto) 31 di desèmber 2024.
- E struktura di organisashon, e struktura di maneho i e manera kon ta guia e ministerionan ta kambia;
- Stafnan ministerial ta transformá den timnan di konseho di kalidat haltu;
- Ta distinguí mas kla e ròlnan di esnan klave (minister, direktor general, direktor, hefe di gabinete);
- Ta bai duna servisio eksterno via 2 lokèt di gobièrnu: Komunidat i lokèt di Impuesto;
- Servisio interno i funshonamentu di organisashon ta sentralisá segun e konsepto di ‘shared service’;
- Ta invertí na diferente manera den desaroyo di hende;
- Ta bin un direktorado ‘Topkader overheid’ ku ta bai fungi komo dunadó di trabou pa e lagnan di maneho 1 i 2;
- Desishonnan tokante kasonan personal ta kai bou di ministernan i gerente atministrativo.
Nos aparato públiko – ya pa 13 aña largu despues di a lanta Pais Kòrsou – no ta presta sufisiente bon. Tin muchu tiki atenshon pa servisio na públiko i empresanan. Nos no ta trata e problemanan grandi di nos komunidat ku sufisiente efikas. Gobièrnu a anunsiá den e Programa di Gobernashon 2022-2025 ku lo duna prioridat na e problema akí i a hasi palabrashonnan tokante esaki den e Pakete Pais ku Hulanda.
E programa di VFO ta kuminsá ku reorganisashon di e struktura aktual di liderato den nos aparato públiko i tambe e servisio interno i eksterno di gobièrnu. Dor di esaki na promé lugá e tòp atministrativo (topkader), esta e.o. sekretarionan general, direktornan di maneho, direktornan di sektor i direktornan di e Ministerionan lo eksperenshá e kambionan. Despues ta sigui e empleadonan públiko ku ta traha den e departamentunan ku ta duna servisio.
Despues ta dependé di kon rápido e kambionan nesesario keda realisá den bo ministerio. Kada ken lo ripará kambio. Lo pèrkurá pa informá di esaki debidamente na tempu.
Bo ta keda na funshon te ora ku a implementá e struktura nobo i yena e funshonnan (nobo) di maneho. Si despues di esaki tin kambio ta dependé di bo funshon. Den hopi kaso lo no tin kambio. Si tin kambio, por hasi uso di e palabrashonnan hasí ku sindikatonan den kuadro di ‘Maneho Sosial’ (‘Sociaal Beleidskader Organisatieverandering’).
E Sekretarionan General, Direktornan di sektor, Direktornan enkargá ku maneho, Inspektornan General i otro Direktornan (esta e ‘topkader’) ta na altura di e proposishonnan di mehorashon indiká den e rapòrt “Niets doen is geen optie meer!” (i asina e Programa VFO). Nan ta e promé personanan kaminda bo por sea hasi pregunta, pidi konseho òf hasi sugerensia. Pa pregunta i/òf konseho tokante bo situashon personal i di derechi, bo por bai serka nan tambe.
Si bo mes ta forma parti di e ‘topkader’, bo por tuma kontakto direktamente ku e tim di Programa VFO òf (si el a start kaba) ku e persona ku ta traha riba e proyekto (kwartiermaker).
Pa mas pregunta/pregunta adishonal riba kontenido di e proposishonnan for di e rapòrt “Niets doen is geen optie meer!” i e proseso di kambio, por aserká e tim di Programa VFO dor di tuma kontakto ku Cindy Rojer via cindy.rojer@gobiernu.cw. Pa loke ta trata e konseptonan riba direktorado Maneho di Pais, Direktorado “Topkader Overheid” i atministrashon/servisio interno i eksterno por aserká e persona ku ta traha riba e proyekto (kwartiermaker).