E proseso di kambio ta dura di 1 di òktober 2022 te ku (por lo pronto) 31 di desèmber 2024.

• E struktura di organisashon, e struktura di maneho i e manera kon ta guia e ministerionan ta kambia;
• Stafnan ministerial ta transformá den timnan di konseho di kalidat haltu;
• Ta distinguí mas kla e ròlnan di esnan klave (minister, direktor general, direktor, hefe di gabinete);
• Ta bai duna servisio eksterno via 2 lokèt di gobièrnu: Komunidat i lokèt di Impuesto;
• Servisio interno i funshonamentu di organisashon ta sentralisá segun e konsepto di ‘shared service’;
• Ta invertí na diferente manera den desaroyo di hende;
• Ta bin un direktorado ‘Topkader overheid’ ku ta bai fungi komo dunadó di trabou pa e lagnan di maneho 1 i 2;
• Desishonnan tokante kasonan personal ta kai bou di ministernan i gerente atministrativo.

Nos aparato públiko – ya pa 13 aña largu despues di a lanta Pais Kòrsou – no ta presta sufisiente bon. Tin muchu tiki atenshon pa servisio na públiko i empresanan. Nos no ta trata e problemanan grandi di nos komunidat ku sufisiente efikas. Gobièrnu a anunsiá den e Programa di Gobernashon 2022-2025 ku lo duna prioridat na e problema akí i a hasi palabrashonnan tokante esaki den e Pakete Pais ku Hulanda.

E programa di VFO ta kuminsá ku reorganisashon di e struktura aktual di liderato den nos aparato públiko i tambe e servisio interno i eksterno di gobièrnu. Dor di esaki na promé lugá e tòp atministrativo (topkader),  esta e.o. sekretarionan general, direktornan di maneho, direktornan di sektor i direktornan di e Ministerionan lo eksperenshá e kambionan. Despues ta sigui e empleadonan públiko ku ta traha den e departamentunan ku ta duna servisio.

Despues ta dependé di kon rápido e kambionan nesesario keda realisá den bo ministerio. Kada ken lo ripará kambio. Lo pèrkurá pa informá di esaki debidamente na tempu.

Bo ta keda na funshon te ora ku a implementá e struktura nobo i yena e funshonnan (nobo) di maneho. Si despues di esaki tin kambio ta dependé di bo funshon. Den hopi kaso lo no tin kambio. Si tin kambio, por hasi uso di e palabrashonnan hasí ku sindikatonan den kuadro di ‘Maneho Sosial’ (‘Sociaal Beleidskader Organisatieverandering’).

E Sekretarionan General, Direktornan di sektor, Direktornan enkargá ku maneho, Inspektornan General i otro Direktornan (esta e ‘topkader’) ta na altura di e proposishonnan di mehorashon indiká den e rapòrt “Niets doen is geen optie meer!” (i asina e Programa VFO). Nan ta e promé personanan kaminda bo por sea hasi pregunta, pidi konseho òf hasi sugerensia. Pa pregunta i/òf konseho tokante bo situashon personal i di derechi, bo por bai serka nan tambe.

Si bo mes ta forma parti di e ‘topkader’, bo por tuma kontakto direktamente ku e tim di Programa VFO òf (si el a start kaba) ku e persona ku ta traha riba e proyekto (kwartiermaker). 

Pa mas pregunta/pregunta adishonal  riba kontenido di e proposishonnan for di e rapòrt “Niets doen is geen optie meer!” i e proseso di kambio, por aserká e tim di Programa VFO dor di tuma kontakto ku Cindy Rojer via cindy.rojer@gobiernu.cw. Pa loke ta trata e konseptonan riba direktorado Maneho di Pais, Direktorado “Topkader Overheid” i atministrashon/servisio interno i eksterno por aserká e persona ku ta traha riba e proyekto (kwartiermaker).

Maneho i ehekushon ta yega mas serka di otro, ya ku e tareanan aki lo ta ehekutá den un direktorado. Supervishon – riba e nivel ehekutivo- tambe lo tuma lugá for di un direktorado.

E funshon aktual di Sekretario General ta fiha su mes prinsipalmente riba e desaroyo di maneho i su ehekushon. Banda di esei, e SG ta responsabel pa duna konseho integral riba maneho na minister i gobièrnu.

E direktor general ta últimamente responsabel pa ehekushon i kumplimentu den kuadronan amplio relashoná ku:

• funshonamentu integral di organisashon (integrale bedrijfsvoering),
• prosesonan primario di trabou
• ken tin ku hasi kua trabou, i desaroyo organisatorio den e ministerio i
• pa e efektividat di prestashonnan di e ministerio.

E direktor general ta guia e optimalisashon di konekshon, kolaborashon mutuo i interakshon entre e direktoradonan i entre e ministerionan (interministerieel).

Aktualmente ministerionan tin un ‘organisashon di maneho’ (beleidsorganisatie) ku ta tra maneho pa e ministerio.

Realidat ta ku den un ministerio e maneho por ta hopi amplio. Konsekuensia di esaki ta ku maneho produsí pa un organisashon di maneho (hopi biaha) no ta pas bon ku lokual ehekushon mester (teoria versus práktika).

Ku e diseño organisatorio adaptá, maneho i ehekushon ta topa otro den; un direktorado den e mesun ministerio konserní ta hasi tur dos tarea. Kemen lo tin liñanan mas kòrtiku den un direktorado entre maneho i ehekushon.
Esaki ta pone ku por traha maneho ku e ehekushon tin mester di dje.

Unda i kon e funshonarionan di maneho aktual por ta mihó ubiká ta dependé di kada ken nan tareanan i nan kompetensia.

En prinsipio Tin dos opshon:

1. den un direktorado di e ministerio kaminda aktualmente nan ta elaborá òf
2. den direktorado Maneho di Pais (Landsbeleid)

Direktorado Maneho di Pais
E direktorado aki ta kai bou di Ministerio di Asuntunan General. Aki ta desaroyá manehonan genériko stratégiko pa e pais i maneho pa solushoná retonan sosial ku ta hopi grandi. Ta trata di maneho pa dil ku retonan ku niun ministerio no por solushoná riba nan mes. Pa traha e tipo di manehonan aki ku lo hasi uso di konosementu ku tin den e diferente ministerionan.

Temanan ku por pensa riba dje ta:

• Masterplan 2030;
• Programanan di gobernashon
• Temanan di ‘Landspaket’
• Imigrashon,
• Seguridat nashonal i prevenshon di minashon di nos sistema gobernamental (ondermijning) i e
• Transishon energétiko.

Den e struktura nobo nos konosé sektornan i organisashonnan di maneho manehá pa un sekretario general.

Den e struktura organisatorio nobo e sektornan i organisashonnan di maneho ta keda eliminá i kada ministerio lo tin solamente ‘direktoradonan’.

Lo eliminá e sektornan paso e forma di organisá aki no tin sufisiente balor agregá na funshonamentu di un ministerio.

Pa splikashon dikon ta eliminá e organisashonnan di maneho, wak pregunta number 4.

Ku esaki den un ministerio nos ta redusí e nivelnan di maneho na dos i nos ta sòru pa:

• den e direktoradonan tin liñanan di kontrol mas kòrtiku, kla i raspá i
• liñanan direkto entre e direktoradonan i nan minister ora ta trata kontenido di e trabou

En prinsipio no, pero esaki por ta e kaso ora:

• e ‘span of control’ di e direktor general ta mas ku 6 direktor i
• agrupashon di direktoradonan no ta posibel.

Den kaso ku e ‘Span of Control’ di e Direktor General bira no manehabel, tin e posibilidat pa nombra un funshon pa un direktor general suplente. Di e forma aki e ‘Span of Control’ ta keda manehabel

E direktor general i e direktor general suplente, ta repartí entre nan e direktoradonan ku nan t’ei manehá. Nan lo traha komo un tim.

Si. Tin algun mechanismo den e struktura nobo pa mitigá influensia di polítika kaminda ta trata di ehekushon diario di trabou operashonal (bedrijfsvoering) i garantisá ‘checks and balances’. Ta trata aki di entre otro:

• tin un ‘Directoraat Topkader Overheid (DTO) ku ta fungí komo dunadó di trabou pa e Topkader.
  DTO ta bai operá, los di polítika a base di regla i afspraknan transparente pa loke ta trata kontrol i responsabilisashon.
• tin definishon di e diferente ròl i responsabilidatnan den struktura tantu riba nivel di maneho komo esun tòp inkluso gabinete di e Minister(nan).

Tin reglanan stipulá pa reklutá i selektá e tòpkader kual ta hasi ku nombrashon polítiko no ta posibel mas.

Si, ora ta trata di tópikonan sustansial i mester hasi esaki via e Direktor General.
Pa tratamentu di e tópiko, e direktor responsabel pa e kontenido ta haña invitashon pa ta presente na e konsulta ku minister.

E reklutashon i selekshon di e tòpkader lo ta ehekutá pa e Directoraat Topkader Overheid (DTO).

E DTO lo ta  enkargá ku ehekushon di e proseder pa reklutashon i selekshon. Tambe DTO ta skibí e presentashon di e nominado(nan) pa e funshon. Por nominá entre un pa tres kandidato. Mester ta trata di kandidato(nan) ka a komprobá ku nan ta kumpli ku e profil pa e funshon i eksigensianan di kalidat.

E minister enkargá lo haña un ròl di peso den proseder di reklutashon, selekshon, i nombramentu di e direktor(suplente) general pa su propio ministerio. Pero e no por pone e proposishon di DTO un banda i nombrá un persona ku no a keda proponé.

E nombramentu lo keda un responsabilidat di gobièrnu.

E tim ta konsehá i duna sosten na e:

• direktor general ( i e direktor general suplente den kaso ku tin unu);
• direktornan;
• inspektor general (den kaso ku e t’ei presente) i
• minister riba nivel stratégiko pa ku ehekushon diario di trabounan operashonal (bedrijfsvoering) manera e.o.:
  • asuntunan finansiero
  • rekursonan humano i organisashon
  • asuntunan huridiko
  • komunikashon i informashon

E tin di konseho no ta konsehá e minister riba tópikonan substanial.

E punto di salida di e trayekto aki ta e aprobashon di Konseho di Minister pa e rapòrt ‘Niets doen is geen optie meer! Ta trata di un trayekto grandi di kambio pa mehorá tur ministerio. Esaki kuminsando ku:

• e struktura tòp i su sosten i
• e funshonamentu di servisionan interno i eksterno.

E atividat- i proyektonan ta tuma lugá riba dos nivel:

• riba e nivel global ku ta akapará e nuebe ministerionan i
• den kada ministerio separá.

E organisashon di e programa ta traha a base di un mapa di guia ku ‘plateuplanning’. Esaki ta wak kada bes kuater kwartal pa dilanti na e aktividatnan ku lo ser ehekutá den e kuadro di e implementashon. E periodo di implementashon lo kubri e periodo (mínimo) te ku 31 di desèmber 2025. Kon lihe e kambio organisatorio riba e di dos nivel ta tuma lugá, ta dependé di pa kada ministerio. Esaki a base di e resultadonan di ‘quick scans’ fase II.

No. Lo no integrá nan i lo no bini un Inspekshon na nivel di Reino (Rijksinspectie).

Nos konosé den gobièrnu dos departamento di inspekshon independiente riba nivel di sistema:

• Inspekshon di salubridat públiko, i
• Inspekshon di enseñansa.

Nan lo keda eksisti i keda raportá direktamente na e minister konserní.
Pa maneho di trabounan operashonal diario (konseho finansiero, konseho relashoná ku Rekurso Humano i organisashon, konseho legal, komunikashon & informashon, etc.), nan por buska yudansa for di e tim di konseheronan i e direktor general di e Ministerio.

Sobra tareanan di inspekshon ta riba nivel di ehekushon. Esaki ta keda den nan propio ministerio, bou di e direktoradonan konserní

Inspektor general

Tin dos ministerio ku tin un inspektor general. Un ta pa  Inspekshon di salubridat general (GMN). E otro pa Inspekshon di enseñansa (OWCS).

E inspektor general ta últimamente responsabel pa su inspekshon. Un inspekshon ta tene supervishon riba e sistema inkluso riba e Ministerio mes.

Direktor General

Lo tin un funshon di direktor general pa e Directoraat topkader overheid (DTO) bou di minister di BPD. DTO tin e ròl di dunadó di trabou pa e Topkader. E Tòpkader  di tur ministerio tin 2 nivel di maneho.

Direktor di Ministerio (Algemeen directeur)

Tur 9 ministerio tin nan mes Direktor di Ministerio (na lugá du un S.G). Den kaso ku tin mas ku 6 direktorado den un ministerio banda di e Direktor di Ministerio tin posibilidat pa nombra un Direktor Suplente di Ministerio.

Tur e funshonnan menshoná aki riba ta kai bou di e nivel 1 di e Tòpkader (managementlaag 1).

Direktor di Direktorado

Un ministerio ta konsití di diferente direktorado. E kantidat di direktoradonan por varia depende di e ministerio. Na kabes di kada direktorado (directie) tin un direktor.

E direktornan aki ta kai bou di nivel 2 di e Tòpkader (managementlaag 2).

Tur e funshonnan menshoná aki riba ta ‘Tòp Kader’

Hefe di ‘unit’
Un direktorado por konsistí di diferente parti ku yamá ‘units’. Kada unit tin un hefe. E funshon aki ta kai bou di e di tres nivel di maneho (managementlaag 3)

Si, tin funshon ku lo bira innesesario. Por ehèmpel e funshon di direktor di sektor i direktor di maneho (beleidsdirecteur) lo no bin mas. Pero lo no bini retironan obligatorio komo konsekuensia di kambionan organisatorio. Lo bini un kuadro sosial di maneho pa kambio organisatorio kual den promé kuartal di 2024 lo ta akordá ku e Centraal Georganiseerd Overleg in Ambtenarenzaken (CGOA).

Aki den lo pone garantianan i reglanan di wega pa situashonnan na unda ku lo kambia òf eliminá un funshon.