Den e último lunanan, tim di maneho di kada ministerio a traha riba e futuro modèl organisatorio dor di pone riba mapa i (re)organisá e trabounan (prinsipal) di e ministerionan i tambe determiná e kantidat di direktorado pa kada ministerio. Nos ta yama esaki fase I di e ‘quick scans’. E paso akí a ser tumá pa asigurá ku organisashon di e ministerionan ta kuadra ku e struktura nobo di e tòp atministrativo di mas haltu manera inkluí den e rapòrt “Niets doen is geen optie meer!”. E resultadonan di fase I a ser inkluí den un rapòrt pa kada ministerio.
Riba 22 di novèmber último, Konseho di Minister a aprobá kapítulo 1, 2, 3 i 5 di kada un rapòrt, ku e anotashon ku, si mester, e trabounan prinsipal manera deskribí den kapítulo 3 por wòrdu adaptá den fase II di e ‘quick scan’. Kontenido di kapítulo 4 tambe lo keda inkluí den fase II di e ‘quick scan’ pa kada ministerio. Den fase II lo trata entre otro tambe organisashon (‘units’ i prosesonan) di kada direktorado.
Download aki kada un 9 rapòrt di e ‘Quick Scans’:
