Publiká riba 03 Febrüari 2023
Desishonnan relashoná spesífikamente ku asuntunan di pais riba nivel nashonal di djárason, 1 di febrüari 2023:
1. Konseho di Minister ta bai di akuerdo ku dokumentashon di e desishon ku ya a keda tumá dia 20 di yanüari 2023, kaminda a akordá pa desviá di e Lei di supsidio pa aña 2023 den kuadro di otorgashon di supsidio na instansianan supsidiá, bou di e kondishon ku:
Un ke otro konforme konseho di Direktor di Sektor di Maneho Finansiero i Maneho di Presupuesto di dia 10 di yanüari 2023 i petishon di Minister di Finansia di dia 10 di yanüari 2023. Na kada Sekretario General pa sòru ku e petishonnan pa outorisashon nesesario (inkluso dokumentonan relevante) relashoná ku otorgashon di supsidio na fundashonnan, mas pronto posibel ta keda entregá serka Ministerio di Finansa pa evaluashon.
Ministerio(nan) responsabel: Tur ministerio.
2. Konseho di Minister ta bai di akuerdo ku e konsepto di lei pa instalá un ‘Werkgroep Modernisering Plvo’ ku tin komo tarea pa duna konseho na Minister di Finansa i Minister di Maneho di Gobernashon, Planifikashon i Servisio Públiko tokante adaptashonnan ku mester keda hasí pa por modernisá i fleksibilisá e “Pensioenlandsverordening overheidsdienaren (Plvo)”, kon tal ku den e konsepto ta adaptá artíkulo 5, insiso 1, di tal forma ku ta kambia e parti ku ta bisa “Minister di Finansa” pa “Minister di Maneho di Gobernashon, Planifikashon i Servisio Públiko”.
Konseho di Minister alabes ta bai di akuerdo pa entregá e konsepto di lei adaptá serka Gobernador pa firma.
Ministerio(nan) responsabel: Ministerio di Finansa i Ministerio di Maneho di Gobernashon, Planifikashon i Servisio Públiko.
3. Konseho di Minister ta bai di akuerdo pa via di Gobernador hasi entrega di e proyekto di lei ku ta konsistí di medidanan pa ku ehekushon di artíkulo 6, insiso 1, di e Lei Konseho Supremo Elektoral (Landsbesluit profiel leden Electorale Raad) na Konseho di Konsulta pa por risibí konseho ku urgensia, ya ku ta nesesario pa riba 1 di aprel 2023 nombra miembronan nobo di Konseho Elektoral.
Un ke otro konforme konseho di Direktor di Direktorado di Lei i Kasonan Hurídiko di dia 27 di yanüari 2023, di akuerdo ku konseho di Direktor di Sektor di Maneho Finansiero i Maneho di Presupuesto di dia 6 di yanüari 2023.
Ministerio(nan) responsabel: Ministerio di Maneho di Gobernashon, Planifikashon i Servisio Públiko.
4. Konseho di Minister a tuma nota di e karta ku fecha 11 di yanüari 2023 di Direktor di Konseho Sosial Ekonómiko, titulá “Kort overzicht van adviesaanvragen bij de SER per 31 december 2022”, ku Minister di Asuntunan General a presentá riba 30 di yanüari 2023.
Ministerio(nan) responsabel: Ministerio di Asuntunan General.
5. Konseho di Minister ta bai di akuerdo pa hasi entrega di e proyekto di lei ku ta konsistí di medidanan pa ku ehekushon di artíkulo 15, insiso tres, di dos frase, di e “Landsverordening Raad van Advies” (Landsbesluit taken en organisatiestructuur secretariaat Raad van Advies) na Konseho di Konsulta pa por risibí konseho.
Esaki pa medio di Gobernador i konforme konseho di Direktor di Direktorado di Lei i Kasonan Hurídiko di dia 30 di òktober 2022, di akuerdo ku konseho di Direktor di Sektor di Maneho Finansiero i Maneho di Presupuesto di dia 13 di yanüari 2023.
Ministerio(nan) responsabel: Ministerio di Asuntunan General.
6. Konseho di Minister ta bai di akuerdo ku e dokumento anekso na e Kuenta Anual i Raportahe Finansiero 2020 di pais Kòrsou. Esaki konforme konseho di Direktor di Sektor di Maneho Finansiero i Maneho di Presupuesto di dia 3 di yanüari 2023 i petishon di Minister di Finansa di dia 31 di yanüari 2023.
Ministerio(nan) responsabel: Ministerio di Finansa.
7. Konseho di Minister ta bai di akuerdo ku entrega di e ‘ontwerplandsverordening basisbetaalrekening’ na Konseho Sosial Ekonómiko pa risibí konseho ku urgensia. Esaki konforme petishon di Minister di Finansa di dia 31 di yanüari 2023.
Ministerio(nan) responsabel: Ministerio di Finansa.
