Desishonnan di djárason 14 di sèptèmber 2022

DESISHONNAN
KONSEHO DI MINISTER

 

Desishonnan relashoná spesífikamente ku asuntunan di pais riba nivel nashonal di djárason, 14 di sèptèmber 2022:

1. Riba petishon di Minister di Hustisia, Konseho di Minister ta bai di akuerdo pa apuntá señora mr. Cornelia A.P. Thesseling-Baaten komo notario.

Pa mas informashon por tuma kontakto ku Ministerio di Hustisia.

---

2. Riba petishon di Minister di Asuntunan General, Konseho di Minister ta bai di akuerdo pa hasi un petishon na tur ministerio pa tuma e pasonan nesesario pa hasié posibel ku klientenan por hasi uso di tualèt den e establesimentunan di gobièrnu kaminda ta ofresé servisio na públiko.

Pa mas informashon tuma kontakto ku Ministerio di Asuntunan General.

---

3. Riba petishon di Minister di Hustisia, Konseho di Minister ta bai di akuerdo pa outorisá e abogado general di Kòrsou pa – na nòmber di Kòrsou – yega na un kòntrakt pa tempu indefiní kaminda ta ofresé asistensia hurídiko na personan di ménos rekurso, ku e siguiente abogadonan:

• • Sra. Jo-Anne L.M. de Wind
  • Sr. Roberto B.K. Polsbroek
  • Sr. Artoir C. Herrera
  • Sra. Bernice J. Rollings

Den e kuadro akí a bai di akuerdo tambe pa presentá e dekreto nashonal den konsepto na Gobernador pa firmá.

Pa mas informashon tuma kontakto ku Ministerio di Hustisia.

---

4. Konseho di Minister ta bai di akuerdo ku kontenido di e lei den konsepto ku a inisiá i ta akordá pa trese kambio na e lei di karetera i tráfiko (Wegenverkeersverordening Curaçao) i pa presentá esaki na Gobernador pa firmá. 

Pa mas informashon tuma kontakto ku Ministerio di Tráfiko, Transporte i Planifikashon Urbano. 

---

5. Konseho di Minister ta bai di akuerdo ku kontenido di e raportahe interino di Reino Ulandes enkuanto e Tratado pa eliminá tur forma di diskriminashon di rasa (CERD), ku aporte di Kòrsou.

Pa mas informashon tuma kontakto ku Ministerio di Asuntunan General i Ministerio di Hustisia.

---

6. Konseho di Minister ta bai di akuerdo ku kontenido di e di shete raportahe periódiko di Reino Ulandes enkuanto:

• • e Tratado pa eliminá tur forma di diskriminashon kontra hende muhé (CEDAW) ku aporte di Kòrsou;
  • e Tratado ku ta enserá leinan ekonómiko, sosial i kultural (ESOCUL) ku aporte di Kòrsou.

Pa mas informashon tuma kontakto ku Ministerio di Asuntunan General.

---

7. Konseho di Minister ta aprobá e siguiente puntonan di desishon:

• • Ta bai di akuerdo ku aporte di Kòrsou manera indiká den e “Human Rights Report 2022”;

Pa mas informashon tuma kontakto ku Ministerio di Asuntunan General.

---

8. Riba petishon di Minister di Hustisia, Konseho di Minister ta bai di akuerdo pa apuntá:

• • sr. E. Sambo komo “Hoofd Bedrijfsvoering” di Kuerpo Polisial di Kòrsou;
  • sr. R. Ellis komo “Korpschef” di Kuerpo Polisial di Kòrsou.

Pa mas informashon tuma kontakto ku Ministerio di Hustisia.

---