Inspekshon Ekonómiko ta posishoná independientemente bou di e minister di Desaroyo Ekonómiko.
Tarea prinsipal di Inspekshon Ekonómiko ta pa ehekutá kòntròlnan di Ijkwezen i kòntròlnan ekonómiko. E meta ku kual nan ta hasi esakinan ta pa frena inflashon i protehá e konsumidó.
E tim di Inspekshon Ekonómiko ta esun enkargá pa kontrolá kumplimentu di lei- i reglanan ekonómiko i tambe hasi kòntrl riba pèrmitnan ekonómiko. E tarea aki ta dirigí riba kumplimentu di e maneho di tantu nos propio ministerio komo tambe riba lei i reglanan di stakeholdernan eksterno.
Si akaso ku e tim di Inspekshon Ekonómiko tuma nota di kualke inkumplimentu esaki lo tuma un desishon konhuntamente ku otro instansianan den ehekushon (p.e. Duana, SVB, Ministerio di Salubridat, polis i inspekshon laboral) kua intervenshon ta esun mas na lugá den e kaso spesífiko.
