Sektor di Koperashon Ekonómiko ku Eksterior
E sektor aki ta esun enkargá
- pa sòru pa maneho di kooperashon ekonómiko ku eksterior i stimulashon aktivo di komèrsio internashonal i invershon
- promové i stimulá komèrsio internashonal
- promové i stimulá invershonnan direkto for di eksterior, kaminda e kompania den eksterior ta doño di un otro kompania establesé na Kòrsou
- sòru pa diplomasia ekonómiko efektivo, pa salbaguardiá interes di Kòrsou su ekonomia en general i empresanan ku tin relevansia ekonómiko en partikular
- Identifiká, atkirí, fasilitá i brinda informashon tokante yudansa internashonal pa desaroyo “International Development Cooperation” (IDC)
E áreanan di maneho di Sektor di Kooperashon Ekonómiko ku Eksterior ta:
Maneho di komèrsio
- Hasi otro merkado aksesibel pa produkto i servisi
- Sòru pa Kòrsou stimulá komèrsio denter di e kuadro stipulá pa WTO
- Traha na realisashon di akuerdonan di komèrsio (fiskal, komèrsio, invershon, transporte, et cetera)
- Buska aserkamentu serka organisashonnan regional i internashonal, ku ta importante pa desaroyo di nos ekonomia
- I komo konsekuensia: un mundu ku kada bes ménos barera òf, ku otro palabra, globalisá
Diplomasia internashonal
- Mantené bon relashon ku e gobièrnunan korespondiente den paisnan di interes
- Hasi uzo di e infrastruktura diplomátiko di Reino den e paisnan aki òf dor di mantené kontakto direktamente
- Establesé ofisinanan den paisnan di interes, ku ta fasilitá kontakto direkto i asina tambe komèrsio di produkto i servisio
- Organisashon regular di mishonnan komersial òf partisipashon na mishonnan komersial konhuntamente ku Reino ta fasilitá inisiashon di kontakto entre Kòrsou i empresanan den eksterior.
Hasi negoshi den eksterior
- Promové eksportashon di produkto i servisio
- Posishoná Kòrsou su ekonomia na nivel mundial
- Aktualisá e kuadronan, òf mihó bisá, e maneho pa stimulá eksportashon
- Fortifiká e posishon kompetitivo di komersiantenan i desaroyá e potensial pa eksportashon
Invershon di eksterior
- Desaroyá un maneho i monitòr aplikashon di e maneho pa stimulá invershon di eksterior i e karakter internashonal di kompanianan lokal
- Modernisá e Akuerdo di Protekshon di Invershon òf “Investeringsbeschermingsovereenkomst” (IBO)
- Sòru pa fortifikashon institushonal i “capacity building” riba tereno di invershon di eksterior
- Krea i mantené un relashon ku organisashonnan lokal i internashonal pa loke ta trata atkisishon di konosementu i konseho i tambe aplikashon di indikadónan di prestashon pa validá kompetitividat di nos klima di invershon i mehorá esaki riba un base konstante
Kooperashon pa desaroyo
- Ta enserá un parti importante di e trabounan di e sektor
- Por uza kooperashon pa desaroyo komo un instrumento importante pa logra nos metanan di desaroyo di nos pais i asina logra un kalidat di bida mas haltu pa nos pueblo
- Hasi un apelashon riba yudansa disponibel pa desaroyo for di mas tantu pais, fuente i fondo posibel.
