Tarea prinsipal di Mediadó di Gobièrnu ta vigilá, mantené, promové i restablesé trankilidat i pas laboral den sektor privá di merkado laboral di Kòrsou. Pa realisá e metanan ei Mediadó di Gobièrnu ta enkargá ku mediashon den negosashon pa kontratonan kolektivo di labor (cao) i disputanan laboral ku surgi, tenementu di referendumnan pa personal relashoná ku rekonosimentu di sindikatonan komo órganonan representativo di trahadonan. Alabes Mediadó di Gobièrnu tin komo tarea konsehá gobernantenan, dunadonan di trabou i sindikatonan relashoná ku asuntunan laboral.
E tareanan i kompetensianan di Mediadó di Gobièrnu ta reglá den e Ordenansa di Disputanan Laboral.
