Ministerio di Hustisia

Entrega di petishon

Personanan ku no ta di nashonalidat hulandes òf merikano, mester entregá un petishon pa un pèrmit di estadia (temporal). Pa esaki mester yena i firma e formulario pa petishon. Konforme artíkulo 1 insiso 4 LTU, e formulario pa petishon mester ta motivá. E formulario ta keda entregá na Servisio di Atmishon durante orario di ofisina.

Hulandes i merikano

Un persona di nashonalidat hulandes òf merikano ku ke atmishon na Kòrsou, mester entregá un petishon pa un deklarashon van Rechtswege. E petishon ta keda entregá via di e link aki, www.immigrationcur.org.

NVT

Un NVT-er ta:

• Un hulandes nasé na Kòrsou;
• Un hulandes ku a nase promé ku 1 di yanüari 1986 na Aruba, ku tabata biba den antiguo Antias Hulandes riba 1 di yanüari 1986 i ku tabata biba na Kòrsou promé ku 10 oktober 2010;
• Hulandesnan nasé promé ku 10 di òktober 2010 den antiguo Antias Hulandes i ku riba 10 di òktober 2010 tabata biba einan;
• e yunan di e kategorianan ariba menshona.

Personanan ku ta kai bou di e kategorianan aki, tambe ta entregá nan petishon via di www.immigrationcur.org.

Pa mas informashon klek riba Toelatingsbeleid.