Ministerio di Hustisia

Justitiële Jeugdinrichting Curaçao

Mishon di Justitiele Jeugdinrichting Curacao, JJIC

Reedukashon di hóben dor di:

• stimulá komportashon akseptabel den komunidat
• desaroyá talento i fortifiká kompetensia
• promové desaroyo kognitivo pa medio di edukashon spesífiko
• ofresé ayudo spesial riba indikashon
• promoshon di relashon mayor i yu
• estudio sikodiagnostiko
• intervenshon sikológiko

E JJIC ta mantené e modèl sosiológiko. E tres aspekto mas importante ta:

• kultura di norma positivo
• GGI
• grupo di hóben positivo, Grupo Kibrahacha

Kada hóben ta haña un programa di guia. E aserkamentu holistiko ta dirigí riba mehorashon di e bienestar físiko, sosial, spiritual, material i kultural di e hóben. A base di e problema di komportashon, JJIC ta apliká diferente intervenshon i método.

Vishon

Den 2020 JJIC ta un instituto di korekshon seif, eksitoso basá riba norma akseptá internashonalmente. Den un ambiente pedagógiko sano ku ta motivá e hóbennan i personal pa hasi nan máksimo esfuerso, JJIC ta realisá e siguiente metanan:

• mehorá e futuro di e hóbennan den JJIC;
• desaroyo personal i personal ku ta satisfecho ku nan trabou;
• komunidat di Kòrsou satisfecho.

Den e Ministerio di Hustisia nobo lo transladá tarea di GOG pa JJIC. Na 23 sèptèmber 2009 Konseho di Minister a aprobá e plan di organisashon pa GOG.

E JJIC ta un instituto pa reedukashon residensial. E ta dirigí na mehorashon di e futuro di hóben di Antia Hulandes i Aruba anterior di dies aña òf mas ku hues a pone den un internat. E medidanan ta ‘ondertoezichtstelling OTS’, medida penal, TBR i un medida PIJ( den kual ta pone e hóben den un instituto pa hóben). E medida PIJ a remplasá TBR pa hóben.

Prinsipio di JJIC

Tur hóben tin derecho di haña formashon, tur mayor tin derecho pa haña guia den esei.

E JJIC ta yuda hóben, ku problema di komportashon serio, pa usa nan oportunidatnan pa hiba un bida akseptabel den komunidat. Den e konteksto aki, e personal di JJIC ta yuda i trata e hóben ku motivashon.

E JJIC ta ofresé hóben tratamentu residential i ayudo obligatorio komo parti di un trayekto di kuido mas largu. E JJIC ta implementá intervenshon den un krísis den e instituto, diagnósis, edukashon i tratamentu.

Hóben ku medida OTS, TBR i PIJ i di pre detenshon ta keda den JJIC. Ku esaki nos ta kontribuí na e seguridat di komunidat i e hóben.

 

Justitieel Jeugdinrichting Curaçao (vroeger GOG)

Adres : Kaya Brudernan van Dongen 1

Tel: +5999 7377933

Fax: +5999 7368446

Website: http://www.jjic.org

E-mail: dienstgog@gmail.com