Lokèt di Pèrmit

Lokèt di Pèrmit ta fungi komo “Frontoffice” di gobièrnu. Pa medio di servisio estilo “one-window” Lokèt di Pèrmit ta brinda e posibilidat pa sentralisá produkto- i servisionan di gobièrnu. Den esaki, kumpli ku deseo i demanda dje kliente ta sentral. Esaki ta hasi e servisio di Lokèt di Pèrmit polifasétiko i úniko den e aparato públiko di Kòrsou. E servisio aki ta konsistí di:

duna informashon di tur produkto – i servisio di gobièrnu. Ta hasi esaki via diferente medio manera: telefòn, wèpsait, foyeto, publikashon, e-mail i personal na lokèt;
manehá agènda di e produktonan ku ta mará na un sita (e.o. pasport, sédula, reibeweis, kùrmentu di outo, informashon di Domeinbeheer) i pèrkurá p’e siudadano por traha e sita deseá (personal na lokèt, via telefòn òf via internèt);
risibí e petishonnan relashoná ku (pa) diferente pèrmit i/òf deklarashon (e.o pèrmit di trabou, pèrmit di establesimentu, pèrmit pa bende kos riba kaya, pèrmit di Horeca, pèrmit pa organisá evento, papel di bon kondukta);
entrega di e resultado di e petishonnan pa pèrmit i/òf deklarashon menshoná na punto 3 (sea e pèrmit/deklarashon òf un karta di rechaso);
risibí i prosesá petishon ku ta keda entregá a base (i konforme?) di e Lei di Transparensia (Petishonnan di LOB).

Pa mas informashon tokante produkto – i servisionan di gobièrnu, por bishitá e lokèt digital òf e ofisina di Lokèt di Pèrmit na:

Saliña 127 (Eurobuilding Unit 3-8)
Tel: (+5999) 433 3123 Bentana di Informashon
Email: sita@gobiernu.cw
lob.vl@gobiernu.cw
vog.vl@gobiernu.cw
Tel: (+5999) 434-1691 Intake
Email: intake.vergunningenloket@gobiernu.cw
Tel: (+5999) 434-1692 Afgifte
Email: afgifte.vergunningenloket@gobiernu.cw
infovergunningenloket@gobiernu.cw
https://loketdigital.gobiernu.cw

Orario pa públiko:
•djaluna – djaweps 8:00 am – 3:00 pm
•djabièrnè 8:00 am – 12:00 pm

buska un dokumento

Ministerio di Maneho di Gobernashon, Planifikashon i Servisio Públiko

Resumen

Lokèt di Pèrmit