Departamento di Asuntu Públiko ta registrá susesonan di bida (nasementu, fayesimentu, matrimonio, divorsio, rekonosimentu) den registronan sivil i for di e registronan sivil- i e atministrashon básiko di dato personal nan por suministrá kopia, ekstrakto i deklarashon. Banda di esei Departamento di Asuntu Públiko ta e departamento enkargá ku suministrashon di pasport, sédula i reibeweis na Kòrsou. Departamento di Asuntu Públiko ta ubiká na dos lokalidat:
•Lokalidat 1 (konosí komo Kranshi, na Roodeweg 42)
Pa tur asuntu di Registro Sivil i entrega di reibeweis
•Lokalidat 2 (konosí komo Bureau Rijbewijzen na Sta. Rosaweg 36)
Pa tur asuntu di eksámen di reibeweis (teorétiko i práktiko)
Orario pa públiko:
Pa mas informashon tokante e produktonan di Departamento di Asuntu Públiko, por bishitá e Lokèt Digital di gobièrnu.
