Outoridat Marítimo di Kòrsou - Informashon tokante Gobièrnu di Kòrsou Bo opinion

Ministerio di Tráfiko, Transporte i Planifikashon Urbano

Outoridat Marítimo di Kòrsou

Outoridat Marítimo di Kòrsou ta responsabel pa barkunan seif i nabegashon limpi riba laman. Tin tratadonan internashonal ku tur barku tin ku kumpli kuné i MAC ta kontrolá esei. MAC ta registrá, sertifiká i inspektá barkunan ku ta operá riba nivel internashonal i ta kontrolá aktividatnan marítimo den nos awanan. Tantu di nos mes barkunan (vlaggenstaat) i di barkunan estranhero (havenstaat). Nos ta chek si tur papelnan i sertifikadonan ta na òrdu i válido. Si nan no ta na òrdu MAC ta disidí si ta detené e barku òf si ta duna un tempu definí pa drecha e fayo(nan). MAC ta duna konseho na Minister di Tráfiko, Transporte i Planifikashon Urbano pa e por duna pèrmit pa aktividatnan marítimo tuma lugá den nos awanan teritorial.

Pa loke ta nabegashon lokal, esaki ta kai bou di responsabilidat di Kapitania Marítimo (Havenmeester) di Kòrsou. Rondó di Kòrsou tin un zona di maksimal 200 mia nóutiko kaminda nos leinan marítimo ta na vigor. Gobièrnu a apuntá MAC pa manehá e zona aki i duna pèrmit na esnan ku ke konstruí den laman òf hasi aktividatnan marítimo riba laman

Tareanan

  • Kontrolá barkunan ku ta registrá na Kòrsou i ku ta nabegá rònt mundu;
  • Kontrolá barkunan estranhero ku ta bishitá nos hafnan;
  • Kontrolá nabegashon di barku den nos awanan teritorial;
  • Duna pèrmit pa aktividatnan den nos awanan;
  • Investigashon i kombatimentu di desaster;
  • Implementá leinan marítimo.

Website MAC: http://maritimecuracao.org/