Servisio Meteorológiko di Kòrsou
Servisio Meteorológiko Kòrsou, mihó konosí komo Meteo Kòrsou, ta e sentro di data i konosementu pa loke ta meteorologia, sismologia i klimatologia. Meteo ta e instansia di Gobièrnu ku ta saka boletin di wer pa Kòrsou.
Tareanan
- Kolekshon di data meteorológiko, tantu di e superfisie komo di den laira. A traves di e programa di Vigilansia di Wer di e Organisashon Mundial di Meteorologia, ta interkambiá e tipo di data aki internashonalmente;
- Generá pronóstiko di wer pa públiko manera boletin di wer severo (Orkan), boletin di prekoushon i atvertensia pa e islanan di Reino Hulandes den Caribe;
- Sirbi e sektor di aviashon ku informashon i produktonan meteorológiko aeronóutiko;
- Duna servisio meteorológiko i klimatológiko spesífikamente pa e sektor marítimo;
- Manehá e base di dato klimatológiko pa loke ta data meteorológiko, tantu di e superfisie komo di den shelu;
- Sostené desaroyonan sosio ekonómiko dor di transformá data den produktonan útil, i hasi esakinan disponibel na diferente sektor den komunidat (manera entre otro seguro, konstrukshon, instansianan públiko, agrikultura i medio ambiente);
- Suministrá informashon tokante aktividatnan sísmiko i di tsunami pa e region di Caribe;
- Konsehá outoridatnan gubernamental pa loke ta trata e riesgonan di peligernan natural, efekto di kambio di klima i e posibel medidanan pa minimalisá riesgo;
- Representá Kòrsou den e Organisashon Mundial di Meteorologia pa loke ta trata asuntunan nashonal i internashonal di maneho meteorológiko;
- Traha den diferente grupo di trabou i komishonnan di organisashonnan.
Drenta den kontakto:
Telefon: +5999 839-3366
Fax: +5999 868-3999
Adres: Kaya Afido z/n, Seru di Mahuma
Email: info@meteo.cw
Website: www.meteo.cw
Whatsapp pa notifikashon: +5999 560-1089
