Notisia

Servisio di Atmishon ta informá kambio pa ku entrega di petishon pa deklarashon “Van Rechtswege toelating” i “Niet van Toepassing”.

Personanan ku kier entregá un petishon pa deklarashon “van Rechtswege toelating i “Niet van Toepassing”, normalmente por a hasi esaki online via di e website www.immigrationcur.org.

Entrante promé (1) di ougùstùs 2020 no ta posibel mas pa entregá petishon pa e dos deklarashonnan aki via di e website www.immigrationcur.org. Petishon pa e 2 deklarashonan aki mester keda hasí via di e-mail intake@immigrationcur.org.

Pa hasi petishon pa deklarashon “van Rechtswege toelating” i “Niet van Toepassing” mester yena un formulario. E formularionan nesesario pa hasi e petishonnan aki ta optenibel riba e website di gobièrnu www.gobiernu.cw. Ora ta entregá e petishon mester tene kuenta ku lo siguiente:

• Tur dokumentu mester ta di skèn i den formato pdf den un (1) e-mail so.
• Mester kumpli ku e pago di leges & retributies.
• E formulario di petishon mester keda yená elektronikamente i firmá pa e petishonario. Si dado kaso no por yen’é elektronikamente, preferibel yen’é den blòklèter ku pèn blou.
• Den e mail na “subject” mester pone nòmber i fecha di nasementu di e petishonario.
• Pa kada persona mester manda un mail separá. Den kaso di un famia, mester menshoná esaki den e e-mail. Pone  nòmber di e “hoofdaanvrager”.
• Pa e petishon ta kompleto mester añadí un kopia di tur dokumento konforme e lista di eksigensha korespondiente na e tipo di petishon.

Na momentu ku manda e petishon via di e-mail intake@immigrationcur.org, si e petishon ta kompleto, ta risibí un komprobante via di e-mail ku a tuma e petishon den tratamentu.

Personanan ku a entregá un petishon via di e website www.immigrationcur.org te promé (1) di ougùstus 2020 ta keda trata via di e sistema aki. E personanan aki no mester entregá un petishon nobo.

Otorgá título di residensia

Na momentu ku risibí e desishon ku e petishon a keda aprobá, mester traha un sita pa risibí e título. Pa esaki mester manda un e-mail na sita@immigrationcur.org. Den e e-mail mester menshoná:

• Nòmber kompletu
• Fecha di nasementu
• Number di petishon
• Number di telefòn

Ora ku ta tuma e título di residensia, mester trese e dokumentonan original ku a keda entregá via di e-mail.

MAS NOTISIA

Ministerio konserní: Hustisia