Publiká riba 07 Febrüari 2020
WILLEMSTAD – Den siman di 20 te ku 24 di yanüari 2020 Direktorado di Asuntunan Hurídiko a organisá un Masterclass Legislashon bou di liderato di Profesor Philip Eijlander ku ta konektá na Universidat di Tilburg. Aña pasá partisipantenan for di diferente ministerio, esta Ministerio di Finansa, Ministerio di Desaroyo Sosial, Labor i Bienestar, Ministerio di Asuntunan General i tambe organisashonnan di Gobièrnu manera Gaming Control Board i Universidat di Kòrsou Dr. Moises Da Costa Gomez, ya a kompletá e kurso básiko ku éksito.
Ministerio di Asuntunan General, partikularmente Direktorado di Asuntunan Hurídiko a organisá e kurso aki pa proveé kapasidat di legislashon. Manera ta konosí, formulashon di regla hurídiko ta mas ku skibimentu di teksto. Bo mester hasí estudio i desaroyá maneho. Den e masterclass aki partisipantenan a siña kon formulá un ‘startnotitie.’ Propósito di un ‘startnotitie’ ta pa den komienso di un proyekto di legislashon duna un bon deskripshon di e análisis di e problema, eskoho di instrumento i posibel konsekuensia di e maneho ku mester implementá. Den e di dos parti di e masterclass aki e partisipantenan a formulá legislashon hurídiko ku ayudo di e ‘startnotitie’ formulá, bou di guia di Profesor Willem Konijnenbelt.
Klek aki pa ehèmpel di un ‘startnotitie’.
