Trahadó Sosial relashoná ku COVID-19 na Kòrsou - Informashon tokante Gobièrnu di Kòrsou Bo opinion

Notisia

Trahadó Sosial relashoná ku COVID-19 na Kòrsou

Geplaatst op 28 May 2020 dor di Ministerio Desaroyo Sosial, Labor i Bienestar

Willemstad – Riba 11 di mart e virus Covid 19 a keda karakterisá komo un pandemia dor di “World Health Organization”.
Dor di e pandemia di Covid-19 mester a tuma varios medida na Kòrsou. Un di e medidanan ta e “Toke De Keda, ku a resulta den un “ Shelter In Place”. Covid-19 tin hopi influensha sosial,emoshonal i psychosomatiko riba nos poblashon.
Kòrsou ta konta ku mas òf menos 600 trahadó social ku diariamente ta ehersé nan funshon den diferente área.

E Plataforma di Trahadó Sosial di Kòrsou a tuma inisiativa pa aserka e minister di SOAW, sr. H.Koeiman i su ministerio. Tabata tin renionnan ku minister, su tim i e representantenan di Plataforma di Trahado Sosial di Kòrsou. Abase di esaki a forma un akuerdo pa bai traha huntu na bienestar di nos komunidat.

E Plataforma di Trahadό Sosial ta keda representa dor di e siguiente personanan: sr. Arthur Nivillac( e persona ku a tuma e inisiativa), sra. Reina Keijzers, sra. Arminda Elizabeth, sra. Rooe Sling, sr. Alex Wale i sra. Chalotte Fairbairn.

Minister Hensley Koeiman tabata tin e idea di organisa un konferensia pa atende ku e efektonan social, emoshonal I psichosomatiko di covid 19 riba e poblashon. A disidi pa traha huntu pa organisa un konferensha ku e tema” Trabou Sosial Relashoná ku Covid-19”. Lo aserka varios ministerio pa yuda organisa e konferensia. Lo invita entre otro NGO’s i Trahadonan Sosial di tur disiplina.

Teniendo kuenta ku e medidanan pa ku Covid-19, lo tin e posibilidat pa partisipá na e konferensha di un manera digital. Temanan ku nos lo trata ta:

  •  Problema sosial-emoshonal ku despues di Covid-19 a bira mas grandi e.o pobresa I desempleo.
  • Akuerdo pa traha huntu pa mehorá e komunikashon entre instansianan sosial relashoná ku klientenan ku ta akudí na e diferente instansianan ku e mesun meta.
  • Posibilidat pa trese struktura i un método pa registrashon di kliente pa pais Kòrsou
  • Posibilidat pa referí kliente i loke ku mester pa yud’é di un manera efektivo.
  • Debí ku nos ta un pais multikultural, ta importante pa nos traha riba un kuríkulo ku ta yuda Trahadό Sosial den nan desaroyo profesional, pa ku nan grupo di enfoke.
  • Ta importante pa e Trahadό Sosial keda profesionalisá su mes den e komunidat ku ta eksperensiando kambionan.
    Pues keda pendiente pa e konferensha ku pronto lo bai tuma lugá.

Ministerio konserní