Aki ta sigui un lista di pèrmitnan di HORECA ku bo por hasi petishon p’e:
Vergunning Koffiehuis
Ku e pèrmit aki bo por bende bebida stèrki, bebida ku kontenido alkohóliko abou, bebida sin alkohòl i eis destiná pa konsumo (òf un artíkulo similar) den bo negoshi di HORECA. E kliente por konsumí e bebida i/òf eis ku el a kumpra den bo negoshi òf riba terasa.
Vergunning Restaurant A
Ku e pèrmit aki bo por bende kuminda, bebida sin alkohòl i eis destiná pa konsumo (òf un artíkulo similar) den bo negoshi di HORECA. Pa e pèrmit aki bo mester di un kushina apart kaminda ta prepará e kumindanan.
Vergunning Restaurant B
Ku e pèrmit aki bo por bende kuminda, bebida sin alkohòl, bebida ku kontenido alkohóliko abou i eis destiná pa konsumo (òf un artíkulo similar) den bo negoshi di HORECA. Bo mester prepará e kuminda ku bo ta ofresé na un manera simpel. Pues, den forma di un asina yamá “snelbuffet” (fastfood).
Vergunning Bierhuis
Ku e pèrmit aki bo por bende bebida alkohóliko, bebida ku kontenido alkohóliko abou i eis destiná pa konsumo (òf un artíkulo similar) den bo negoshi di HORECA. E kliente por konsumí e bebida i/òf eis ku el a kumpra den bo negoshi òf riba terasa.
Slijtvergunning
Ku e pèrmit aki bo por bende bebida stèrki di forma limitá. E kondishon ta ku e kliente no tin mag di konsumí e bebida den bo negoshi.
Hotelvergunning
Ku e pèrmit aki bo por rùn un hotèl di mínimo 10 kamber. Den bo hotèl bo por bende kuminda, bebida (bebida stèrki, bebida ku kontenido alkohóliko abou, bebida sin alkohòl) i eis destiná pa konsumo (òf un artíkulo similar) ku klientenan ku ta keda den e hotèl i demas klientenan. Nan mester konsumí loke nan a kumpra einan mes.
Logementvergunning
Si bo tin un pèrmit di e tipo aki bo por ofresé rùn un fasilidat di akomodashon di máksimo di 9 kamber. Den e fasilidat aki bo por bende kuminda, bebida (bebida ku kontenido alkohóliko abou, bebida sin alkohòl) i eis destiná pa konsumo (òf un artíkulo similar) ku klientenan ku ta keda den e hotèl i demas klientenan. Nan mester konsumí loke nan a kumpra einan mes.
Sociëteitvergunning
Ku e pèrmit aki bo por bende kuminda, bebida (bebida stèrki, bebida ku kontenido alkohóliko abou, bebida sin alkohòl) ku miembronan di e sosiedat i nan invitadonan. Mester konsumí loke a kumpra einan mes.
