Ministerio di Hustisia

Buro Nashonal Sentral di INTERPOL Kòrsou ta duna un kontribushon na desaroyo di maneho pa  ku kombatimentu di krímen ku ta krusa frontera i prevenshon di esaki .

Mishon:

Pa ta un ekselente servisio ku ta kubri un ròl di sosten, koordiná, fasilitá i avisá tur organisashon, servisio i outoridatnan kual tin kombatimentu di krímen komo nan mishon.

Ophetivo:

Tin un Buro Nashonal Sentral di INTERPOL Kòrsou, kual su ophetivo ta pa teniendo kuenta ku leinan i reglamentunan di Kòrsou vigente, deklarashon universal di derecho di Hende i otro kombenionan internashonal, realisá ophetivonan di e Organisashon di Krímen Internashonal Polisial – INTERPOL, dor di:

a. realisashon i promoshon di sosten di ámbos banda entre INTERPOL Kòrsou i e otro paisnan afiliá na e organisashon ICPO-INTERPOL, relashoná ku desplegamentu di aktividatnan pa prevení i kombatimentu di kriminalidat:

b. krea mekanismo multidisiplinario, di kual por ser suponé ku lo por duna un kontribushon na kombatí i prevení kriminalidat efektivamente.

INTERPOL Kòrsou tin komo tarea:

a. mantené regular kontakto ku IPSG (Sekretariado General di INTERPOL) riba tereno organisatorio i interkambiá datonan relevante i informashon ku tin un karakter internashonal di índole kriminal;

b. fungi komo é instansia ofishal pa via kual, riba petishon di outoridatnan polisial o di hustisia di Kòrsou, tambe di otro paisnan miembro di ICPO-INTERPOL, interkambio di informashon ta tuma lugá.

c. den kuadro di evaluashon i sinkronisashon di trabou di Interpol, asistí na reunion general di ICPO-INTERPOL i en konekshon ku esaki reunionnan di hefenan di ofisina di Interpol, en bista di resolushonnan ku mester ser tumá pa por implementá esakinan den nos pais, teniendo kuenta ku leinan nashonal i reglamentunan di Kòrsou.

d. krea ekspertisio riba tereno di kriminalidat internashonal i asina sostené organisashonnan hudisial na Kòrsou ku konosementu relevante.

e. Koordiná i ehersé investigashonnan pa kumpli ku petishonnan di Interpol;

f. ehekutá otro tareanan, ku ta en konekshon ku ehekushon di mantenshon di órden hurídiko riba nivel internashonal i interregional.

Organisashon i maneho:

• INTERPOL Kòrsou ta un organisashon di ehekushon, posishoná pafó di sektor dentro di e ministerio di hustisia, i ku ta forma un kooperashon estrecho ku e organisashonnan ku tin un tarea públiko/ gubernamental riba tereno polisial, hudisial i/o di seguridat.
• INTERPOL Kòrsou ta sostené e organisashonnan ariba menshoná den prevenshon i kombatimentu di kriminalidat. INTERPOL ta kompilá, analisá i interkambiá entre otro informashon di polis ku paisnan i yuda den kooperashon polisial internashonal.
• E trabou di INTERPOL Kòrsou por ser repartí den tareanan di koordinashon, sostenshon, tareanan propio i di avisá.
• E minister di hustisia tin e outoridat riba INTERPOL Kòrsou i komo tal por duna sierto instrukshon na hefe pa loke ta toka maneho.
• INTERPOL Kòrsou ta kai bou di outoridat di Prokurador – General, pa loke ta trata su tareanan operashonal, a lo ménos e tareanan ku ta den sostenementu di hustisia.

Nashonal Sentral Buro di INTERPOL Kòrsou,

Adres: Bastion, Fort Amsterdam s/n, Kòrsou

Tel: +5999-4618944

Fax: +5999-4611916