Servisio pa Planifikashon Urbano - Informashon tokante Gobièrnu di Kòrsou Bo opinion

Ministerio di Tráfiko, Transporte i Planifikashon Urbano

Servisio pa Planifikashon Urbano

Servisio pa Planifikashon Urbano (ROP) ta sòru pa uso duradero i balansá di e espasio di Kòrsou. ROP ta evaluá petishonnan pa desaroyonan urbano nobo i situashonnan aktual pa sòru ku nan ta kumpli ku nivel di kalidat ku e maneho di Gobièrnu ta stipulá. E responsabilidat di ROP ta konsistí di ordená i duna forma na e espasio públiko di Kòrsou.

Tareanan

  • Prepará programanan i proyektonan pa mehorá barionan i bibienda;
  • Traha riba plannan di maneho di bibienda;
  • Kordinashon tékniko di restourashon di mantenshon di monumentonan;
  • Duna pèrmit i eksonerashon pa restourashon i mantenshon di monumento;
  • Atministrashon di e registro di monumentonan;
  • Implementá maneho pa monumentonan i asigná monumentonan protehá;
  • Implementá maneho pa pèrkurá pa mantenshon di monumentonan;
  • Kordinashon di e parti urbano di tráfiko;
  • Duna pèrmit i eksonerashon pa konstrukshon i prekario;
  • Kontrolá i sòru pa kumplimentu ku e reglanan di pèrmit.