Apertura ofisial di Kas di Kuido pa hende grandi; 'Grandi na Kuido'

Sektor di Desaroyo Sosial di Ministerio di Desaroyo Sosial, Labor i Bienestar resientemente a introdusí e lokèt ‘É Hoben, É Relevo’. E hoben entre 18 i 30 aña por yega ku tur su inkietutnan na e lokèt pa hoben, manera problema sosial, problema emoshonal, dropout, e hoben desempleá, e hoben bou di palu etsetera. Ku e hoben ta yega na palabrashon kon ta bai traha huntu pa saké for di e situashon no deseá ku e ta den. Guia sosial, formashon i desaroyo di talento ta primordial den e programa.

Ministerio di Desaroyo Sosial, Labor i Bienestar, huntu ku Direktorado di Kontròl di Riesgo i Maneho pa Kalamidat, a inougurá uso di e fasilidat di Man Camp di Refineria Isla. Uso di e fasilidat ta destiná pa brinda un lugá pa víktimanan di orkan Irma di St. Maarten ku no tin i no por paga pa un lugá di alohamentu. E intenshon ta pa nan keda 1 òf 2 dia pa brinda nan e espasio pa regla algu otro i sigui ku nan bida. Man Camp di Refineria Isla por akapará 200 persona. Señor Fer (kordinadó nashonal di desaster), a bisa durante inougurashon ku e intenshon ta pa funshonarionan di ESF 7, ku ta ubiká bou di SOAW, tin e tarea pa brinda víktimanan di kalamidat un lugá pa hospedá i tambe sosten sosial i kuido sikológiko pa víktimanan ku ta sufri di trouma. Ministerio di Desaroyo Sosial, Labor i Bienestar ta spera ku tur huésped for di St. Maarten por haña un bon resepshon di nos hendenan for di Islariba i ku esnan ku keda na Man Camp por relahá un tiki pa despues enfrentá e retonan ku tin pa restourá nos isla ruman St. Maarten.