WILLEMSTAD- Riba djaluna 11 di febrüari, den un reunion urgente ku Centrale Commissie van Vakbonden (ABVO, N.A.P.B., STrAF, SAP, SITEK, CBV) huntu ku Ministerio di Enseñansa, Siensia, Kultura i Deporte (ESKD) a deliberá tokante status di ehekushon di e konbenio di enseñansa". Minister di ESKD, sra. Marilyn Alcalá-Wallé a indiká ku a palabrá ku SITEK ku SITEK huntu ku e Ministerio ta pone fechanan aktualisá pa ku ehekushon di e konvenio. Ademas e mandatario a suprayá e importansia pa duna orden di prioridat na puntonan di e konbenio mirando ku no por ehekutá tur prioridat simultaneamente. Di e forma aki por traha di un forma realistikó i efektivo riba e puntonan. Banda di SITEK, direktivanan di skol tambe a pone prioridat pa gobièrnu atendé e.o: normbekostiging, digitalisashon, seguridat na skolnan. Alabes Ministerio di ESKD tambe ta trahando riba prioridatnan interno e.o. independisashon di skolnan públiko. Pa e motibu aki Ministerio di ESKD ta pidi indulgensia pa huntu yega na akuerdo pa traha ku diligentemente riba ehekushon di e prioridatnan. Riba base regular Minister Alcalá-Wallé ta reuní huntu ku su tim pa buska formúlanan kon ta haña otro riba e puntonan i ehekutá nan. Pa lokual ta trata e skema di e "uitvoeringsprogramma onderwijsconvenant februari 2019", ya tin diferente punto ku a wòrdu ehekutá, manera e.o. Kerstbonus. Esaki a keda ehekutá den 2017. Den 2018 gobièrnu no a paga bonus, sino a duna dia liber na empleadonan públiko. Esei a enserá ku a tene kuenta ku personal den enseñansa tambe ta haña èkstra dia liber. Djamars dia 12 di febrüari ta kontinuá ku e trayekto den CGOA huntu ku Minister di Maneho di Gobernashon, Planifikashon i Servisio Públiko, sr. A. Konket, Minister di ESKD, sra. Marilyn Alcalá-Wallé huntu ku su kolaboradornan.

Riba e Flyer athunto tin tur informashon di e orario di salida i e ruta di e Marchanan pa Karnaval 2019.

Presentashon promoshonal di Ministerio di E.S.K.D. di nos pais Kòrsou durante di 'Vierlandenoverleg', 7-8 febrüari 2019.

Minister di Enseñansa, Siensia, Kultura i Deporte, sra. Marilyn Alcalá-Wallé den konferensia di video for di Kòrsou ku koleganan di Aruba i Sint Maarten: -Minister di Enseñansa, Siensia i Desaroyo Sostenibel di Aruba, sr. Armando Lampe; -Minister di Finansas, Asuntunan Ekonómiko i Kultura di Aruba, sra. Xiomara Ruiz-Maduro; -Minister di Enseñansa, Kultura, Hubentut i Deporte di Sint Maarten, sr. Wycliffe Smith. E reunion aki ta den kuadro di preparashon pa e reunion grandi "Vierlandenoverleg" huntu ku Hulanda. Esaki ta tuma lugá 7 i 8 di febrüari próksimo na Kòrsou. Témanan ku ta keda tratá ta relashoná ku desaroyo den Enseñansa i Kultura. #Huntu nos ta realisá e máksimo potensial di nos pais!

Grandi i chiki a uni pa asina selebrá i para ketu na e balor di nos herensia kultural: e kaha di òrgel ku ta eksistí for di siglo 19. #throwback #saturdayvibes #bibanoskultura #huntu

Gobièrnu a dekretá e aña aki komo aña di Kaha di òrgel. Lo pone enfasis riba nos herensia musikal dor di duna atenshon i realse na nos balor nan musikal durante di henter e aña. Meta ta pa grandi i chiki sera konosí ku e piano di silinder.

Minister Presidente sr. Eugene Rhuggenaath akompañá pa su kolega Minister di Enseñansa, Siensia, Kultura i Deporte sra. Marilyn Alcalá-Wallé a bishitá kol di Fundeshi A.E. Goilo pa kompartí e bon deseonan pa e aña nobo ku e alumnonan i maestronan. Esaki tabata un momento úniko kaminda Minister Presidente sr. Eugene Rhuggenaath a duna di konosé ku A.E. Goiloschool ta e skol di fundeshi ku e mes a bishitá. Awor ku honor a bini bèk pa enkurashá e generashon nobo pa traha duru pa logra nan soño. Pas, produktividat i trankilidat ta ingredientenan klave pa ta éksitoso segun e Ministernan. Aún mas importante ta pa semper duna bèk! Den kuadro di esaki a duna rekonosementu na e maestronan pa nan trabou balioso ku ta kontribuí na edifikashon di nos pais. Ser un edukadó ta e profeshon ku ta krea tur otro profeshon!