Rueda di Prensa Semanal 10 yanüari 2019. Tópikonan: 1. Konseho di Enseñansa (Onderwijsraad voor Funderend Onderwijs); 2. Desaroyonan den enseñansa i puntonan di direktivanan di skol; 3. 'Drielanden en Vierlandenoverleg t.a.v. Onderwijs en Cultuur'; 4. Mantenshon di skolnan; 5. Aña Kaha di òrgel. Personanan ku ta forma parti di e komishon di di organisashonnan manera Kas di Kultura, C.C.C., SKOBA, Museo Ka'i òrgel ta: Richenel Girigoria, Nidia Rosaria-Wallé, Erich Martina, Henny Cornelia, Zoila Tujeehut, Romeo Rudolph, Elfried Kooks, Ninouska Visento, Crisean Scorea, Rudsel Girigorie, Cathy Chirino-Leito, Sue-Ellen Cijntje, Robertico Balentien i Lizette Sambo-Velder ku ta e presidente di e komishon.

Minister M.Alcalá-Wallé ta deseá un i tur na nòmber di Ministerio di Enseñansa, Siensia, Kultura i Deporte un Pasku bendishoná yena ku pas, dicha i trankilidat i un aña 2019. bendishoná.

Willemstad- UNESCO ta konektá paisnan riba nivel mundial ku otro riba tereno di edukashon pa sigurá ku tur pais ta garantisá un desaroyo inklusivo i ekitativo di nos komunidatnan. Den e kuadro aki a tuma lugá di dia 3-5 dezèmber 2018, un reunion konsultativo yamá “The 2018 Global Education Meeting” (GEM) kaminda paisnan afiliá a revisá e progreso den e marko di akshon, ku mester sigui tuma, pa realisá e metanan riba tereno di edukashon ku a stipulá huntu (Agenda Edukashon 2030 Incheon). Den e kuadro aki paisnan alabes a identifiká áreanan stratégikamente di prioridat kaminda sosten polítiko i intervenshon pa por logra e metanan pa e Agenda di Edukashon 2030 por keda realisá. E resultadonan di e reunion di alto nivel aki kaminda ta revisá i adaptá maneho, strategia i identifiká retonan, ta fungi komo e antesala den e preparashon pa e “High Level Political Forum (HLPF)” medio 2019 na New York pa garantisá desaroyo sostenibel di tur pais. Gobièrnu di Kòrsou a keda representá pa Minister di Enseñansa, Siensia, Kultura i Deporte sra. Marilyn Alcalá-Wallé.

Splikashon di e reunion relashoná ku SDG-4 pa Agenda 2030 ku a tuma lugá dianan 3-5 desèmber 2018 na Bruselas, Bélgika. #globaleducationmeeting

Promoshon di e promé reunion relashoná ku Agenda 2030 na Bruselas, Bélgika organisá pa UNESCO.

Kòrsou tambe a laga su bos resoná na momento ku paisnan tabata deliberando riba e resolushonnan ku mester a tuma lugá na final di e reunion aki (Outcome Statement 2018). Kòrsou ta den e grupo regional di Latino Amérika i Karibe, kaminda tin representantenan di diferente pais manera Argentina, Bolivia, Sürnam, paisnan di CARICOM i Cuba. Minister di Enseñansa, Siensia, Kultura i Deporte sra. Marilyn Alcalá-Wallé a representá Kòrsou durante e reunion eksklusivo aki na Bruselas.

Stòp ku violensia i ban respetá derechi di hende.