Inspekshon di Enseñansa ta enkargá prinsipalmente ku ehekushon di supervishon riba tur tipo di edukashon nashonal. Na kabes di Inspekshon di Enseñansa tin un Inspektor-general ku ta sostené pa ocho inspektor i un sekretariado. Trabou di Inspekshon di Enseñansa ta inkorporá den su vishon i mishon.
Vishon
Inspekshon di Enseñansa ke desempeñá e papel di un órgano di supervishon efisiente ku ta animá insititútonan edukashonal pa mehorá nan nivel di edukashon. Inspekshon di Enseñansa kier hasi esaki pa medio di kòntròl ku ta stimulá e institutonan pa kumpli ku leinan di enseñansa i normanan di kalidat.
Mishon
E mishon di Inspekshon di Enseñansa ta enserá e siguiente elementonan:
Supervisá kumplimentu ku leinan di enseñansa
Supervisá kumplimentu ku normanan di kalidat di enseñansa
Proponé puntonan di atenshon na departamentu di maneho pa desaroyá maneho nobo
Duna konseho na minister di enseñansa
Raportá por eskrito riba e estado di enseñansa na Kòrsou
Servisionan
Mayornan i eks alumnonan por akudí na Inspekshon di Enseñansa pa:
Sertifikashon di kopia di diploma i lista di sifra di institutonan rekonosé pa gobièrnu
Deklarashon pa komprobá ku un eks alumno a optené un diploma na un instituto rekonosé pa gobièrnu si e pèrdè e diploma original
Kontakto
Bon Bini Business Center
Schottegatweg Oost 10
Willemstad
Telefòn: +59994343771 / +59994343772
Fax: +59997371486
E-mail: secretariaatio@gobiernu.cw
Orario
Di djaluna te ku djabièrnè di 8.00 or pa 12.00 or i di 14.00 or pa 16.30 or. Riba djabièrnè Inspekshon di Enseñansa ta habrí te 16.00 or pa públiko.
