Kiko bo mester sa i kon bo mester prepará pa bai studia den Region
Enseñansa ta un instrumento importante pa desaroyo di un pueblo. E maneho aktual di Enseñansa di e Gobièrnu di Kòrsou ta basa riba estudionan lokal. Tambe e maneho ta stimulá studiamentu den nos region. E maneho aki ta keda sostené dor di e Gobièrnu di Hulanda, ku alabes a keda ratifiká den un akuerdo pa stimulá studiamentu den Region.
E mishon di Ministerio di Enseñansa, Siensia, Kultura & Deporte ta pa krea oportunidat pa e pueblo di Kòrsou i studiamentu den region ta kontribuí na esaki. E demanda pa studia den enseñansa avansá a oumentá drástikamente. Tambe un kantidat respetá di institutonan ku ta duna estudionan avansá a oumentá. Esaki ta pone ku hopi studiante di nos isla a haña interes pa bai studia na e institutonan aki ku ta mas serka di Kòrsou. Aki na Ministerio di Enseñansa, Siensia, Kultura & Deporte tin hopi informashon disponibel relashoná ku e tema aki. Awor nos a kompilá tur esaki nan den un manual ku lo sirbi komo un guia pa tur ku lo ke bai studia den region.
Pa mas informashon por ‘download’ e manual: Handboek voor Studenten – Studeren in de Regio
