Sektor di Maneho di Ministerio di Enseñansa, Siensia, Kultura i Deporte tin enkargo di desaroyo di maneho integral, análsis di maneho, desaroyo di vishon, desaroyo di maneho formulá segun kuadronan “SMART”, sosten na prosesonan di maneho ku ta rekurí, maneho ‘ad hoc’, desaroyo i determinashon di maneho i legislashon, monitoriá maneho i evaluá di maneho.
| Sektor di Maneho |
Diskripshon |
| Enseñansa | E esfuerso pa konfigurá i konektá tur tipo di enseñansa optimal, di tal forma ku e fluho di un nivel pa otro ta tuma lugá fleksibelmente i e fluho di salida pa merkado laboral ta funshonal. |
| Siensia | Realisashon di un klima di investigashon ku ta invitá na implementashon di siensia i na hasi konekshonnan entre institutonan di enseñansa lokal i nètwèrknan [retnan] di siensia internashonal. Desaroyo di maneho na man di resultadonan di investigashon ta un ‘conditio sine qua non’. |
| Kultura | Sitimulá un konsiensia históriko fuerte, ku un énfasis riba tantu kultura denter di komo for di nos propio komunidat ku ta stimulá na konstrukshon di nashon. |
| Deporte | E enfoke ta riba realisashon di un oferta amplio di provishon di deporte i ampliashon di e konsiensia di importansia di deporte i moveshon denter di skol i komunidat. |
Vishon:
Un organisashon di maneho dinámiko i fleksibel ku un konfigurashon bisto di e prosesonan di maneho, direkshon kla di implementashon i demarkashon kla di responsabilidatnan.
Ta desaroyá e maneho interaktivo i integral den kolaborashon estrecho ku e organisashonnan di implementashon di e ministerio, kaminda kontribushon [‘input’] i eksperiensia di esnan den práktika diaria ta di importansia eminente.
Mishon:
E organisashon di maneho ta brega pa desaroyá un maneho sistemátiko, formulá legislashon i regulashonnan, mantenshon di legislashon i regulashonnan eksistente, monitoriá i evaluá maneho.
Kada kolaboradó di maneho ta ehersé su ária di enfoke a base di su ekspertisio i a base di esei ta responsabel pa ehekushon di su propio aktividatnan di trabou.
Metanan:
1. Garantia di akseso igual na enseñansa i promové pa tur hende siña durante henter nan bida;
2. Pèrkurá pa tin enseñansa di bon kalidat pa Enseñansa Fundeshi, Enseñansa Spesial, Enseñansa Avansá, SBO i Enseñansa Superior;
3.. Pèrkurá pa tin un bon konekshon c.q. fluho na i entre E.Fundeshi, E.Spesial, VSBO, HAVO, VWO, SBO i Enseñansa Superior;
4. Desaroyo di maneho a base di informashon estadístiko;
5. Pèrkurá pa atendé na tempu i yega na solushon lihé pa prevení ‘dropout’/muchanan ku ta bandoná skol promé ku tempu, kuido i atenshon spesial na problemanan ku ta stroba e muchanan den nan karera di skol;
Kontribuí na desaroyo di siudadanonan ku konosementu, abilidat i aktitut pa por funshoná optimal tantu den komunidat komo den mundu global.
Punto di Kontakto:
Sektor di Maneho di Enseñansa, Siensia, Kultura & Deporte
APC-Complex, T: +599 9 43 43 711, E: OWCS.Communicatie@gobiernu.cw
| Lei i Kuadro di Maneho | Fecha Aprobá/Ratifiká | |
| 1 | Maneho Enseñansa Pre-Eskolar | Aprobá na desèmber 2014 pa Konseho di Minister |
| 2 | Maneho pa Enseñansa Speshal | Aprobá na desèmber 2014 pa Konseho di Minister |
| 3 | Kuadro pa Maneho di Siensia | Aprobá na 2012 den ordenansia ministerial (MB/033190 2016 komo kuadro |
| 4 | Maneho Nashonal di Idioma pa Enseñansa | Aprobá na ougùstùs 2017 door di Konseho di Minister |
| 5 | Kuadro pa Maneho di AGO | Aprobá na novèmber 2019 |
| 6 | Nota di Maneho pa Enseñansa na Distansha | Aprobá na yanüari 2020 |
| 7 | Nota di Maneho pa Seguridat na Skol | Aprobá na òktober 2019 |
| 8 | Nota di Maneho pa Enseñansa Obligatorio | Aprobá na ougùstùs 2019 |
