Geplaatst op 20 11 2019
WILLEMSTAD – Ta hasi 30 aña ku e Derechinan fundamental di kada mucha a keda ankrá 20 novèmber 1989 den e konbenio/tratado internashonal kaminda e derechi di e mucha ta pará sentral. Ta trata di derechinan manera derechi di tin un identidat, derechi di tin un famia, derechi riba enseñansa, derechi di ekspreshon liber, derechi riba un desaroyo sosial saludabel, derechi riba un ambiente sigur i hopi mas. Tur esakinan ta di importansha pa e desaroyo di kada mucha. Tambe den e deklarashon universal di derechi humano, artíkulo 3 ta bisa ku: “ Everyone has the right to life, liberty and security of person”. Ta pa e motibu aki ‘Dia Internashonal di derechi di mucha’ ta un dia mundial hopi importante, komo ku hende mester pone atenshon na e generashonnan ku mester sigui guia humanidat … den un ambiente sigur i sin violensia.
Gobièrnu ta mira seguridat komo un di e pilarnan primordial den desaroyo di kada mucha pa un bon formashon ku ta garantisá oportunidat igual i ekitativo pa bira un suidadano ku por partisipá di un forma konstruktivo i kontribuí na desaroyo ekonómiko i desaroyo sosial general di sosiedat. P’esei Ministerio di Enseñansa, Siensia, Kultura & Deporte (ESKD) huntu ku otro ministerionan ta pone lus riba e área di seguridat den e periodo aki. E akuerdo di koperashon ku Ministerio di Hustisia a firma ku Ministerio di ESKD riba 12 di ougùstùs último na apertura di aña eskolar 2019/2020 a sirbi komo base pa huntu traha riba e parti di seguridat na skolnan. Alabes e trayekto huntu ku Ministerio di Desaroyo Sosial, Labor i Bienestar kaminda e mucha su derechinan ta pará sentral tur ta forma parti di un totalidat. Vários otro organisashon i fundashon tambe huntu tin diferente trayekto ku ta yuda karga e desaroyo di e mucha huntu ku Gobièrnu komo un entidat trahando na bienestar di nos sosiedat.
Basá riba e koperashon ariba menshoná a kuminsá ku e trayekto pa alsa seguridat rondó i na skol. Seguridat na skol ta keda sostené pa Ministerio di Hustisia den estrecho koperashon ku Ministerio di ESKD. Aktualmente a kuminsá ku un proyekto kaminda Kuerpo Polisial ta duna sosten na skolnan den 5 diferente barionan ku ta Otrabanda, Bandabou/Barber, Punda, Montaña i Rio Canario. E agentenan polisial (Buurtregisseurs) ta sostené e kabes di Skolnan (Schoolleiders) pa ku e área di seguridat na skol. Huntu ku mas organisashon ta tene seshonan informativo. Tur esakinan huntu ta pone ku asina ta halsa e seguridat na skol i tambe den bario kaminda e desaroyo sosial di e mucha mester tuma lugá den un ambiente sosial sano. E inisiativa riba e tereno aki ta pa yuda krea un ambiente sigur i plasentero, kaminda profeshonalnan ta duna sosten na e hóben pa e por desaroyá trankil i di un manera sano. Alabes por bisa ku e trayekto aki ta kanando bon i ya kaba por mira ku e koperashon ta dunando bon resultado pa ku komunikashon entre Kuerpo Polisial i Skolnan, i komo fruta di esaki, oumento di seguridat sosial i físiko.
Gobièrnu di Kòrsou ta hopi satisfecho ku ta trahando riba e trayekto aki, pa asina trese trankilidat i halsa seguridat den skolnan tantu pa e alumno, studiante, e dosente pero tambe e mayor. Alabes ta konta ku sosten di komunidat kompletu, pasobra seguridat den área di skol i den nos barionan, ta nos tur su responsabilidat i tambe e ta un derechi fundamental di tur mucha. Tur esakinan ta konforme e akuerdo di gobernashon pa duna atenshon na nos muchanan i stimulá nos komunidat den desaroyo positivo.
Gobièrnu di Kòrsou i Gabinete Rhuggenaath den su totalidat kier a felisitá henter pueblo di Kòrsou riba e dia tan importante aki pero en espeshal nos muchanan enfatisando e deber ku nos komo komunidat i Enseñansa tin pa ku derechi di mucha ku enfoke riba e área di seguridat.
—
Komunikashon
Ministerio di Enseñansa, Siensia, Kultura & Deporte
United Nations:
History Children’s day (https://www.timeanddate.com/holidays/un/universal-childrens-day)
On December 14, 1954, the UN General Assembly recommended that all countries should introduce an annual event from 1956 known as Universal Children’s Day to encourage fraternity and understanding between children all over the world and promoting the welfare of children. It was recommended that individual countries should choose an appropriate date for this occasion.
At the time, the UN General Assembly recommended that all countries should establish a Children’s Day on an “appropriate” date. Many of the countries respected this recommendation and the Universal Children’s Day has since been annually observed on November 20. There are however, some countries, such as Australia and India, which still chose various different dates during the year to celebrate this day.
On November 20, 1959, the UN General Assembly adopted the Declaration of the Rights of the Child and on November 20, 1989, it adopted the Convention on the Rights of the Child. Since 1990, Universal Children’s Day also marks the anniversary of the date that the UN General Assembly adopted both the declaration and the convention on children’s rights.
Kinderrechten: https://www.kinderrechten.nl/professionals/verdragstekst/
