Siman di Kultura 2018 na Archivo Nashonal “KANA DRENTA” - Informashon tokante Gobièrnu di Kòrsou Uw mening

Nieuws

Siman di Kultura 2018 na Archivo Nashonal “KANA DRENTA”

Geplaatst op 20 september 2018 di door Ministerie van Bestuur, Planning & Dienstverlening

Siman di Kultura 2018 na Archivo Nashonal

“KANA DRENTA”

 

Willemstad –Kòrsou un biaha mas lo selebrá Siman di Kultura di dia 23 di sèptèmber te ku 30 di sèptèmber 2018.  Un di e metanan di Siman di Kultura ta pa pone atenshon na kultura di Pasado, Presente i Futuro.

 

Ministerio di Gobernashon, Planifikashon i Servisio Públiko mediante di Archivo Nashonal di Kòrsou ke pone énfasis e aña aki riba nos kustumbernan di hasi bishita. Kultura di hasi bishita na Kòrsou ta karakterisá su mes pa e echo ku tur hende por kana drenta na kas di bisiña, amigu òf kualkier konosí na tur ora i nan ta bonbiní na tur momentu. Grandinan semper tabata broma bisa ku ántes no tabatin mester di sera porta di kas na yabi. Porta tabata hanchu habrí tur ora i tur hende por a kana drenta serka otro sin previo aviso.

 

Pa Siman di Kultura 2018 Archivo Nashonal ke invitá bo pa “Kana Drenta” i bin rebibá e parti aki di nos kultura alabes sera konosí ku nos instituto, nos trabounan i nos personal i mira tur loke Archivo Nashonal tin di ofresé i por nifiká pa abo.

‘Dròp in’, drenta den e kuna di nos historia i laga nos sa kon nos por yuda bo.  Nos ta situá na Scharlooweg 77, konosí komo Bolo di Batrei. Dianan 25, 26* i 27 di sèptèmber próksimo entre 10:00 i 16:00.

*Riba djárason 26 di sèptèmber tin oportunidat pa kana drenta te den oranan di anochi. Pa 7:00 pm. lo tin presentashon di e buki di poesia titulá  “Gedicht” i ilustrá pa sra. Hilda de Windt-Ayoubi.

 

Bo ta kordialmente invitá. Kana drenta libremente. Paso kultura ta hasi bida mas bunita.

Siman di Kultura 2018 na Archivo Nashonal

“KANA DRENTA”

 

Gerelateerde ministeries